Голосник

Красота гор перевершат оповіданкы о раю – реляция Миколая Цисляка з одкрытя памятника в Устю Рускым

 …До Устья пришли мы около 10 годины рано. Автобусы зволнили свою быстроту, бо вход до бывшого рынку густо был покрытый народом. Ище крок, и иіде крок и споза листвы деревины свіжым колором начал выглядати білый камінь памятника, овитый через половину червеным полотном. Ище пару кроков и мы увиділи цілу высоту памятника. Громадность каменя дає впечатліние силы и могучести физичной, но для каждого Лемка он надає такой самой силы духа и гордости.

Автобусы нашы повольно заверталися и остановилися на проконечатии бывшой гостинииі Антоня Гумецкого. Скоро они остановилися, волна народа звалилася в их сторону и здавалося, што оба автобуси перевернутся от утиску.

Устье Русске - "Витаме дорогых госгей", так гласит напис на брамі входа на Затоку, где видно платформу для выступлений. Заросла гора, то Лазы и Камяный Горбок, а далеко Червена Горка

Устье Русске – “Витаме дорогых госгей”, так гласит напис на брамі входа на Затоку, где видно платформу для выступлений. Заросла гора, то Лазы и Камяный Горбок, а далеко Червена Горка.

В тот момент наступила головна встріча родини, приятелей, краянов, радостных, сплаканых и недовіряющых собі, ци направду то брат, або сестра, ци направду то мама, або няньо, ци друга родина. По 30, 40, або 50-х роках не хотілося вірити в правдивость встрічы. Ци то не дивный сон, а не правдива встріча. Там была не лем родина с близкых и дальшых сел Лемковины, там пришли люде з далекого заходу, от Вроцлава, Легницы, Ополя, Шпротавы, Ольштина, Зеленой Горы, а споза границы зо Львова и от Тернополя в Совітском Союзі. Солнце всім тепло усміхатся, а красота гор перевершат оповіданкы о раю.

Через годину, котра была так коротенька, наступило открытие иамятника. С музыком примашерувала оркестра и впровадила на платформу представителей повітових и воеводскых властей, партизанов и державних діятелей, а с ними заграничных гостей зо Львова и Пряшева и ряд запрошеных партизанов Лемков, котры проживают в Совітском Союзі. Открытием памятника руководили правительственны власти на официальном в Польші польском языку. Послі привітствий, переданых властями для всіх присутных и заграничных и американскых гостей с головним докладом выступил бывший комендант лемковскых партизанов Михаил Доньский, в котром он указал на заслугы партизанов Лемков в борьбі с оккупантом за свободу народа, за што многы отдали житья. Он отчитал цілий ряд имен погибшых Лемков. При конци он отчитал жертвы зложены на будову памятника и на першом місци жертвы собраны и пересланы через редакцию “Карпатской Руси” из Америкы в суммі 428 долларов и передал сердечну подяку всім жертвователям.

В остатной части официального открытия молодежна организация спорта отдала салют, а Михаил Донский знял червене полотно на памятнику, на котром указалися два вырыты на мраморі и позолочены написы, єден в польском языку, а другий русскыми буквами в лемковской правописи. Послі того представители правительства зложили свои вінкы у подножья памятника. На безконечных фотографичных знимках кончилася официальна церемония открытия памятника партизанам.

С полудня на приготовленой платформі ниже села на Затоці, началися культурны выступления ансамбльов, польского из Ржешова, украинского из Варшавы и лемковскых из Білянкы, Лосі, Зындрановы, Грабу и др. Лемковскыма ансамблями руководил Павел Стефановский, а украинскым из Варшавы Лемко Ярослав Поляньский. Представление из Зындрановы было под руководством Теодора Ґоча. Всі три высше упомянуты руководители, то люде великой способности, енергии и отданности культурі и традициям свого народа. Так им, як и всім участникам належится признательность и подяка за таке поднятие духа в народі тым пречудным концертом.

Подчас торжества люде дальше познавалися. Меже иншьми людьми, с котрими я мал особливу радость познайомитися был профессор др. Рейнфус руководящий институтом народного творчества и член Польской Академии Наук. Проф. др. Рейнфуса нашы Лемкы всяди знают и почитают так, як он интересуєся близко культуром Лемков и написал много трудов о Лемках и все встає в их защиті. На сильне моє удивление проф. др. Рейнфус передал велике признание Лемко-Союзу, што напечатал книжку «Село Ганчова». Он просил старатися о печатание веце подобных книжок, што они мают особливо историчне значение для Лемков.

Редактор газеты “Карпатска Русь” М. А. Цисляк, завідующий екскурскйном ґруппом, познакомлятся с присутным на торжестві открытия памятника в Устью Русском псофессором д-ром Романом Рейфус, членом Польской Академии Наук и завідующым институтом народной штукы при ней. Проф. Рейкфус написал много трудов о Лемках, защищат их права и честь, Лемкы с великым уважением и любовью выражаются о ньом.

Редактор газеты “Карпатска Русь” М. А. Цисляк, завідующий екскурсийном ґруппом, познакомлятся с присутным на торжестві открытия памятника в Устью Русском псофессором д-ром Романом Рейнфус, членом Польской Академии Наук и завідующым институтом народной штукы при ней. Проф. Рейнфус написал много трудов о Лемках, защищат их права и честь, Лемкы с великым уважением и любовью выражаются о ньом.

Солнце начало клонитися над Гомолю. Найбольше торжественна часть нашой екскурсии переходила в историю и нам треба было вертатися на нашу позицию в Крыници продолжати дальшу дорогу. Мні хотіло бы ся свои очы оставити в той прекрасной, а до того родной окружаючой природі…

 

Фраґменты тексту Миколая Цисляка і фотоґрафіі з Календаря Лемко-Союза на 1964 р.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі