Голосник

Куп дрес!

Шыроко знаный і любленый «Календар Ваня Гунянкы на 1934 р.» фурт актуальный. Кєд хлоп хоче мати бабу, так конечно мусит єй купити дресс.

Лем мы подуріли. Іде шак о контекст. Ци кума хотіла дресс з трьома поясами, а може штырі бы старчыли? Ци радше лем скромнісю сукєнку, мінімальну, аж і міні, най буде «Ґучі», ци буд-кого другого? То лем кума знати годна, а і покус кум, што садок мал, а і так кумы не взял.

Кума в саді гуляла, штаєр вывивала, а дресса як ніт, так ніт…

З повагом,
підредакция фафринді

Лемковский Штаєр

Кум кумі рад!
Завюл єй в сад:
Ту мило як в раю –
Давно вас кохаю –
Лем кумо сяд,
Бо ту мой сад!

Гварил мі кум,
Вчера на ум:
Же он любит мене,
Жытя даст за мене –
Такий то кум!
Ой, добрый кум!

Я гварю вам,
Куме, вас знам!
И тепер и давно
и скрыто и явно –
Преця кум єс!
Куп же мі дресс!

Кум гварит: га!
Добра кума!
Куплю я вам дресса
Лем поцілуймеся,
То ищы днес!
Куплю вам дресс!

Так явно не,
Бо буде зле!
Ваша барз злослива
Хоц не бесідлива-
Так явно не!
Бо буде зле!

Кум гварит: ба!
Хытра баба!
И о мене стоит
И биткы ся боит,
Така ты єс!
Не куплю дресс!

Н. Микулич
Джерзи Сити
Шеруй.

О авторі

Севериян Косовскiй

Народженый на чужыні. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Любитель давной Лемковины. Годен годинами слуxати про втрачене лемківскє щестя. Актуальні веде веселый проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментарі