Голосник

«Лем Мы» з Команчы – 70 процент – субота, 20.00 год.

0
Команча мала серенчу… Коли зачали выселяти Команчу, як і вшыткы села доокола, тота чорна справа ту не была довершена і част мешканців ся лишыла на рідній земли.

Лишыти ся на своім, жыти на своій земли – то барз важне для плеканя свойой культуры. Так важне, жебы не было обтяте коріня… Жебы не пересаджувати в новий ґрунт деревце нацийональной культуры… І товды традиция тырват, жыє, розквитат…

Ансамбль Лем мы з Команчы належыт до тых рідкых, котры співают пісні з того лемківского села, в якым жыли і жыют. Зовут ся Лем мы – бо лем они ся лишыли на рідній земли. Лем мы – бо лем они – а на них велика одповідальніст: втримати своє, розвивати своє, нести лемківску культуру новым поколіням.

Шеруй.

О авторі

Вродила ся в 1970 році во Львові. І уж неодолга писала, малювала, но і витинала преріжны річы з паперя. І робит тото доднес, але тепер уж в Івано-Франківску. До Лем.ФМ трафила припадково. До того часу робила з дітми, вчыла іх журналистыкы і малюваня. Барз любит люди, якых презентує слухачам в проґрамі «70%». Грызе ся, же єдного дня правдивы Лемкы можут ся скінчыти. Зато, жебы зімати диктафоном вшыткых, глядат когоси доброго і щырого до помочы… Як хочете дашто повісти, то пиште: anna_kyrpan@bigmir.net

Коментар