Голосник

Малокласны школы тот рік на Словакії зістануть

0

Депутат словацького парламенту за партію Most-Híd Арпад Ерсек позмінюючов пропозіційов ку новелізації школьского закона, котров ся мала становити мінімална кількость школярів в класі основной школы, досягнув одклад платности того закона. На основі того закона мали быти од 1-го септембра 2015 р. на теріторії Словакії зрушены малокласны школы, што ся найвеце дотулять народностных школ. Про Русинів бы то быв конець основного школства. Інформує о тім сайт партії Most-Híd.

„Тішыме ся, же влада схвалила нашу позмінюючу пропозіцію і так родічі і діти, котры ходять до малокласных школ, не мусять бояти ся, же вже по тых літніх вакаціях зрушать їх класы,“ реаґовав депутат Арпад Ерсек. На нове оціньованя ефектів, котры зо собов рушіня малокласных школ приность, здобыв ся час до 1-го септембра 2016 р. Проблем так буде мусити рішыти нелем сучасна, але і будуча влада, кідьже на Словакії будуть на ярь 2016 р. парламентны выборы.

Ерсек в офіціалній пресовій справі партії далше повів, же „влада явно не має інтерес на тім, жебы учітелів школ з навчалным языком народностных меншын одбременила од даремной адміністратівной затяжі і в цілковім дослідку помогла ку высшой якости навчалного процеса на меншыновых школах.“ Most-Híd подавав і далшы позмінюючі пропозіції, котры ся дотуляли як раз той проблематікы, але тоты пропозіції не были схвалены.

На Словакії суть вшыткы школы, котры суть з навчалным языком русиньскым, або котры мають в навчалнім процесі навчаня русиньского языка, лем малокласны школы. В припаді рушіня малокласных школ бы Русины пришли о ціле основне школство і навчаня русинького языка бы зістало лем в рамках проєкту вечурніх школ, котры робить обчаньске здружіня Колысочка.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар

Малокласны школы тот рік на Словакії зістануть

0

Депутат словацького парламенту за партію Most-Híd Арпад Ерсек позмінюючов пропозіційов ку новелізації школьского закона, котров ся мала становити мінімална кількость школярів в класі основной школы, досягнув одклад платности того закона. На основі того закона мали быти од 1-го септембра 2015 р. на теріторії Словакії зрушены малокласны школы, што ся найвеце дотулять народностных школ. Про Русинів бы то быв конець основного школства. Інформує о тім сайт партії Most-Híd.

„Тішыме ся, же влада схвалила нашу позмінюючу пропозіцію і так родічі і діти, котры ходять до малокласных школ, не мусять бояти ся, же вже по тых літніх вакаціях зрушать їх класы,“ реаґовав депутат Арпад Ерсек. На нове оціньованя ефектів, котры зо собов рушіня малокласных школ приность, здобыв ся час до 1-го септембра 2016 р. Проблем так буде мусити рішыти нелем сучасна, але і будуча влада, кідьже на Словакії будуть на ярь 2016 р. парламентны выборы.

Ерсек в офіціалній пресовій справі партії далше повів, же „влада явно не має інтерес на тім, жебы учітелів школ з навчалным языком народностных меншын одбременила од даремной адміністратівной затяжі і в цілковім дослідку помогла ку высшой якости навчалного процеса на меншыновых школах.“ Most-Híd подавав і далшы позмінюючі пропозіції, котры ся дотуляли як раз той проблематікы, але тоты пропозіції не были схвалены.

На Словакії суть вшыткы школы, котры суть з навчалным языком русиньскым, або котры мають в навчалнім процесі навчаня русиньского языка, лем малокласны школы. В припаді рушіня малокласных школ бы Русины пришли о ціле основне школство і навчаня русинького языка бы зістало лем в рамках проєкту вечурніх школ, котры робить обчаньске здружіня Колысочка.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар