Голосник

Миколаі в суботу в Пивничній

0
Кєд дахто не был, буде то добра нагода, жебы зайти до курортного місточка Пивнична, де заран і позаран (21.-22. липця/ юлия 2018 р.) одбудут ся Дни Пивничной з нагоды 670-літя локациі міста. Окрем предвидженого ярмаку з народным ремеслом, орґанізаторы плянуют рыцарскы показы, проґрам для діти, ріжного рода варштаты, але і музычну сцену.

На ній выступлят мандолинова і духова оркєтры, народны капелі і – предовшыткым – звізды. Не сцені явит ся ансамбль Бублічкі, лавреат вельох нагорід з фольковых фестівалів, м.ін. «Фольковых Миколайків» в Люблині. Підчеркуєме зато, же і орґанізатор того люблиньского фестівалю – Оркєстра св. Миколая, бодай найбарже знаний ансамбль, котрий розславлят русиньску музыку по цілым світі, выступит в Пивничній. Концерты обох фольковых звід зачнут ся за пляном од 19.00 год. в суботу 21. липця/юлия.

Більше інформаций найдете на ґрафіці долов. Фото горі: пресовы материялы.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментар