Голосник

Молоды активісты о языках і проблемах, част 2 – четвер, 20.10 год.

29. листопада/новембра тр. в Бюрі Омбудсмана Польщы в Варшаві проходила дебата про охорону языковых прав. Подія орґанізувана была через Омбудсмана та выділ «Artes Liberales» Варшавского Університету з нагоды Медженародного Року Корінных Языків (2019) принятого резолюцийом Загального Згромаджыня ОЗН.

Окрем ґрупы експертів до бесіды запрошено молодых представників меншын. Активісты бесідували про тото, якы ведут діяня звязаны з охороном своіх языків, а в примірі двох додатково про проблемы звязаны з самым вызнаньом іх языків польскым законодавством (меншыновым або реґіональным).

В ґрупі запрошеных осіб нашли ся: Мацєй Бандур (з кашебской меншыны), Бартломєй Ванот і Рафал Жепка (зо шлезской меншыны), Тимотеуш Круль і Юстина Маєрска-Шнайдер (з вілямівской меншыны) та Наталія Малецка-Новак і Анна Масляна (з лемківской меншыны).

Запрашаме слухати другу част бесіды. Молоды будут бесідувати про тото, што подля них є найбільшым вызовом для іх языків.

Початок реляциі четвер 5. грудня/децембра т.р., 20.10 год.

Фот. Agata Steifer

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі