Голосник

Молоды.Русины просят на Рождественний Концерт

0
Зачал ся передсвяточний час, а то значыт, што головно на Пряшівскій Руси, так як было то в інчых роках, орґанізуваных є вельо різдвяных подій, якы мают за ціль пропаґувати культуру і різдвяны традициі Русинів.

Общество молоды.Русины просит 15. грудня/децембра 2018 р. на ІІ Рождественний Концерт, якій пройде в Культурным Домі в Іглянох на західній Пряшівщыні. В рамках культурного проґраму, якій зачне ся о 17.00 год., выступит дакілько русиньскых фольклорных колективів і солистів.

Перша едиция святочного концерту, рыхтуваного сесом молодіжном орґанізацийом, проходила влони. Тот рік, жебы обогатити проґрам, молоды.Русины запросили декотрых участників популярного музычно-фольклорного шов на Словациі Земля cпіват (Zem spieva). Так в концерті співанкы і коляды запрезенуют дівчата з недалекого Великого Липника, якы з телевізийого шов знаны сут як Столичного дівкы.

Cтрітити буде мож ся і з музыком молодых співаків і гудаків Лябірскых бетярів. Придут знаны з фольклорных фестівалів Сестры Угляровы та фольклорний ансамбль Удольчанка. Домашні Ігляны репрезенувала буде ґрупа Дівчата з Іглян.

Модераторком проґраму буде русиньска солистка молодой ґенерациі, Мариянна Железна. Артистка не лем буде вела подію, але і выступит вєдно з Народном музыком Марияна Цупрішіна.

Концерт реалізуваний є з підпором села Ігляны в рамках Фонду на Підпору Культуры Нацийональных Меншын Словацкой Республикы.

фот. Столичного дівкы в шов Земля співат / прінтскрін

Шеруй.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар