Мож голосити ся на Studium Carpato-Ruthenorum 2018

0

В днях 10-го аж 30-го юна т. р. буде проходити на Пряшівскій універзіті вже 9-ый річник едукачного проєкту Інштітуту русиньского языка і културы Studium Carpato-Ruthenorum 2018 – Міджінародной літньой школы русиньского языка і културы.

Про штудентів Пряшівской універзіты в Пряшові є проґрам безплатный. Літню школу собі можуть штуденты выбрати як выберовый предмет, за котрый можуть здобыти штири кредіты.

Тритыждньовый едукачный проєкт, котрый на універзіті реалізує русиньскый інштітут, є заміряный на навчаня русиньского языка, історії, літературы, културы і етноґрафії карпатьскых Русинів. Лекції з тых дісціплін паралелно забезпечують ся в русиньскім і анґліцькім языку посередництвом загранічных і домашніх высокошкольскых учітелів. Частьов проєкту є множество супроводных културных подій і познавачі екскурзії в реґіоні северовыходной Словакії. Навчалный процес на літній школі є одкрытый нелем про вшыткых штудентів Пряшівской універзіты, а і про інтересуючіх ся з мімоуніверзітного середовиска.

За попередніх вісем річників літню школу абсолвовало 168 штудентів, котры были зо Словакії, Споєных штатів Америкы, Україны, Канады, Польщі, а і далшых держав світа як Булґарія, Сербія, Арґентіна ці Італія. Покля маєте інтерес о участь на тогорічній літній школі, контактовати можете Інштітут русиньского языка і културы Пряшівской універзіты, наприклад і через офіціалный інтернетовый сайт.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА


Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2018. Вшыткы права застережены.