Голосник

Обновлять ся далшы русиньскы деревяны церькви

Непрофітова орґанізація Карпатьскы деревяны церькви (член Округлого стола Русинів Словеньска) здобыла на обновліня памяток фінанції із Фінанчного механізму Европского господарьского простору. Орґанізація хоче обновити пять народных културных памяток. Реноваційов перейдуть деревяны церькви в Шмиґовці, Грабовій Розтоці, Тополи і в Іновцях. В плані є і реконштрукція жыдівского цінтеря в Тополи.

Данієла Ґаландова, котра є манажерков орґанізації, інформовала і о десятьох далшых памятках – іконостасах, припадно окремых іконах з тых церьков, котры таксамо перейдуть реконштрукційов в рамках проєкту. Будуть то іконостасы, припадно іконы з деревяных церьков в Грабовій Розтоці, Іновці і в Руській Быстрій.

Проєкт обновліня нашых памяток зачне в януарі 2015 р. і роботы будуть продовжовати приближно до апріля 2016 р. Частьов проєкту є і сполочна пропаґація памяток, як і културной і природной дідовизны орґанізації UNESCO, котры репрезентують в реґіоні деревяна церьков в Руській Быстрій, Карпатьскы буковы пралісы в Народнім парку Полонины і в Хороненій країнній области Вигорлат.

Жрідло: Humenský Korzár

Шеруй.

О авторі

Петро Медвідь

Народженый в центрі Пряшівской Руси, в місті Пряшів. Локалпатріот. Актуалну тему з його точкы погляду мож чути каждый четверь в проґрамі Вступне до контроли о 18.10 год. Каждый робочій день од 8.00 год. мож слухати його Корзо, в котрім вас возьме до світа актуалной політікы. Контакт: petro@lem.fm

Коментарі