Голосник

Ольга Прокоп – Підкарпатска Русь Свята

Повісти про паню Ольгу Прокоп, же то русиньска культурна діячка то тільо, што нич не повісти. Пані Ольга то не лем діячка, але то ціла культурна інституция. І то барз активна інституция. Де і коли бы єй не позвали на выступ, та одраз радо ся згодит, приде і приведе зо собом найменше єден з веденых през ся ансамблів, а то Червену Ружу а то Бабину співанку. Тот другій ансамбль, то зас ціла освітова інституция.

Пані Ольга то знаменита орґанізаторка культурных діянь, в котрых одраз видно синерґію. Подібно секрет такых успішных діянь єст лем єден – то слово ключ – ПРОҐРАМ. Вести проґрамовы діяня навчыла ся пані Ольга од свого няня -знаменитого русиньского діяча, посланця до парляменту. Вязня за руску віру.

Пані Ольга прекрасні бесідує, співат і рецитує вершы. Зберат архіваліі і докумнетує діяльніст Русинів.

З великом приємністю запрашам на стрічу з Ольгом Прокоп з Чінадієва з Підкарпатской Руси. В понедільок по 08.00 вечером в проґрамі Пропаґанда, єдна з головных русиньскых культурных діячок, оповіст не лем про свою надзвычайну актывніст і роботу на хосен Русинів, але і про свого няня судженого в 1913 році в другым мармароскым процесі, вязня австро-мадярской і совітской власти, посланця до парляменту Ческой Республикы, значучого русиньского політычного діяча.

czerwena_ruza babczina_spiwanoczka

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі