Голосник

Основателі православного монастыря в Уйковицях суспендуваны. Монастыр – запертий.

Як заявила вчера митрополитальна канцелярия Польской Автокефальной Православной Церкви, рішыньом Св. Собору Єпископів ПАПЦ з 17. марця 2015 р. православний монастыр свв. Кірила і Методия в Уйковицях остає запертий, а його основателі – архімандрита Никодим і ігумен Афанасий – суспендуваны (т.є. завішены в священничій послузі).

Стало ся так з причыны нарушыня суспендуваныма монахами літургічных норм православной Церкви, м.ін. контактами з неканонічныма Церквами, клеветаня на єрархію і духовенство, не респектуваня рішынь єпархіяльного єпископа і нездоровой атмосферы в самым монастырі та іґноруваня і не одріканя на писма од Св. Собору Єпископів.

Дальшы члены монашой спільноты з Уйковиц, єромонахы, монахы і послушникы (посеред котрых находят ся тіж Русины з Лемковины), можут звернути ся до митрополиты Савы о перенесіня до інчых монастырів, будучых під юрисдикцийом ПАПЦ.

Істория монастыря сігат 1986 р., коли монахы Никодим і Афанасий купили 2,5-гектарову ґаздівку в Уйковицях під Перемышльом, пак, по ремонтах, основали католицкій монастыр східньой традициі. В 1994 р. Св. Собір Єпископів ПАПЦ принял суспендуваных днес братів під своі крыла, тым способом в обшыри реактывуваной в 1983 р. православной перемышльско-новосандецкой єпархіі нашол ся перший монастыр (днес монашу спільноту в тій єпархіі творят тіж отці-монахы з высівского Мужского Монашого Дому Покровы Пресвятой Богородиці).

Текст постановы Св. Собору Єпископів ПАПЦ о запертю монастыря в Уйковицях і суспендуваню архімандриты Никодима і ігумена Афанасия до прочытаня за тым мотузком.

Монастыр в Уйковицях, фото: wikimedia.org

Монастыр в Уйковицях, фото: wikimedia.org

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментарі