Голосник

Панове, не ганьбте Маковицю, ту быват честный люд під границьом… – «Говорить Пряшів» – пятниця, 20.00 год.

0
Радийо Русин.фм з Братиславы як каждый тыжден приносит процийку вісти о плянуваных культурных подіях і роботі русиньскых інституций – музею, театру і ансамблю Пульс.

В Книжници.фм радит бібліотекар Ігор Латта. Днеска буде чытал вершы русиньского будителя Александра Павловича: Вождям народа. Роздумы Теодозиі Латтовой в Припоминці будут тыкати ся евровыборів. Петро Медвід в Перличках прочытат пару статий з мая 1940 р., якы надрукуваны были в підкарпатскій ґазеті «Карпатска неділя». Буде про свячыня дзвонів свободы преосвященнійшым Александром (Стойком) в селі Пістрявово, театральный сезон в Унґварі, смілый рабунок на околици і успіхы здоровельной службы в великоберезняньскым окрузі в борбі з тифом і ушами!

Нашых Целебритів того тыжня буде двох, то братя Іван і Михал Поливкы. Старшый Іван діял як учытель на териториі Підкарпатя і Пряшівщыны, м.ін. учытелювал во Свиднику, і написал барз популярный підручник до вчыня руского языка в народных школах. Михал Поливка то учытель і шкільный адміністратор в Скеюшы в Банаті, а пак учытель в Рускым Керестурі.

фото – Маковиця, замок в Зборові, wikipedia

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар