Голосник

Передватряний «Говорить Пряшів» – пятниця, 20.00 год.

0
Тяжко днес буде з нашом слухальністю. Част з Вас певно о тій порі буде перед сценом Лемківской Ватры на Чужыні. З другого боку не будеме аж так міцно рыдати, прото што знаме, же на Ватру ідут головно тоты з чужыны і покус з нашых Гір. Товды просиме тых, што поза границями Польщы.

Ци Ватра буде на плюс ци мінус, то ся вкаже. Но, поінчы рочкы вказували, што коли фест гріє сонце, не за вельо нас до Михалова іде. Не знаме, чого ся боіте. Шак все мож схолодити ся при студеным пивци. Може як раз буде Шариш пивце, тото просто з нашых земель.

Рыхтуйте шатра, парасолі і дуже кошів на пікнік. Хоц кобаса, палюнка і пиво тіж нам потрібны (як хто любит), то мы фурт стоіме при своім, што фестівалі, ватры повинны не лем бавити, але і вчыти. Сут серед нас і вывчены – такым треба лем припоминати. Інакше з того шумного робит ся планний фестівальчык. Товды шкода на такє грошы. На жаль мода настала лем на фестівальчыкы. Може то знак нашых часів. А може… На тым конец.

Тепер конкретно і професийні. В Нашых Целебритах про літературознавцю, писателя, аґрарного політика, культурного діяча та учытеля – Павла Федора зо Сланьского Нового Міста. Ні, не лем на тоту тему будеме споминати. Пряшівска передача долга, то і части пару. Окрем реченого буде і Книжниця.фм, Культурний Калейдоскоп і іщы пару інчых.

Ждийте нас за фльориньскым часом. Шак Фльоринка фурт в нашых серцях.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Шеруй.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар