Голосник

Персональны зміны в Міністерстві Внутрішніх Справ і Адміністрациі

По недавных змінах в Уряді Рады Міністрів Польской Республикы, котрій од 11. грудня/децембра 2017 р. шефує премєр Матеуш Моравєцкі, змінила ся тіж особа завідуюча міністерством, котре занимат ся м.ін. справами меншын в Польщы. Новым Міністром Внутрішніх Справ і Адміністрациі од 9. січня/януара т.р. являт ся Йоахім Брудзіньскі, покликаний на тоту функцию за Мариюша Блащака, обнявшого Міністерство Народовой Обороны.

В звязку з тым, же дотеперішній віцеміністер, одповідальний за меншынову політику – Себастиян Хвалек, перешол враз зо своім дотеперішнім шефом до ресорту обороны, на його місце 18. січня/януара 2018 р. поклинаний был Павел Шефернакер, котрий в Міністерстві Внутрішніх Справ і Адміністрациі, окрем справами нацийональных і етнічных меншых та реґіонального языка, буде ся занимал адміністрацийом, спілпрацом з самоурядом та церквами і реліґійныма звязками. Сесы рішыня на вершынах польской політикы влияют тіж на дальшы: з причыны обнятой функциі, віцеміністер Павел Шефернакер буде тіж – враз з представником меншыновой стороны, Рафалом Бартеком (німецка меншына) – спілведучым Спільной Комісиі Уряду та Нацийональных і Етнічных Меншын.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментарі