Голосник

Піл червця – «Говорить Пряшів» – пятниця, 20.00 год.

0
А час надале жене. Рахуючы штотыжньовы передачы проґраму «Говорить Пряшів», мож досправды ствердити, што гідні іх уж было, а мы іщы веце ся з них дознали. Вкінци поучытельніст то головна примета той авдициі, котру камаратя роблят не лем про себе, але і про нас.

Остатніма днями вістят гев і гын, што в Варшаві поділили ґранты на ріжны проєкты. То уж друга транша. Змінили ся принципы даваня дотаций. Нашы орґанізациі лем внескуют і внескуют, ачий спокою не мают. Перше лем раз в році мусіли ся старати, а тепер ім надали більше формальности. Єдны достали, другы не достали, бо може не заслужыли, а іщы треті не достали, бо просто призабыло ім ся, же міністер тримат ся календаря і треба ся підпорядкувати.

Лем чом світ, наш лемківскій світ лем на грошах стоіт? Лем на ґрантах, дотациях. Може бы треба было тото вшытко позаберати. Може одродил бы ся дух в народі і зас зачало бы ся орґанізуваня оддільне, соспільне, діяня в купі, на хосен вшыткых, не лем самого себе. Може. Часы ся змінили. На жаль.

Треба скінчыти з песимізмом і наріканьом. Кус сме зачали тото робити, але як раз кінчыме. Красні Вас просиме на днешній премєровий «Говорить Пряшів». Вартат днес послухати вершів Юрка Харитуна. Веце дознате ся залучаючы радийо по 20.00. Будеме вістити лем добры новины і кінчыме з наріканьом. Обіцюєме.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.
Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар