Пиш кірилицьом! Write in cyrillic!

Хоснуваня кірилиці в некіриличных державах може быти дакус клопітливе. Компутеры продаваны сут з латиньском клявіятуром, а кіриличны уклады (напр. украіньскій, або росийскій) сут неінтуіцийны без наклийок, або величезного досвідчыня. Пониже описуєме, як в популярных  операцийных системах уставити уклад клявіятуры, жебы писаня по лемківскы, было такє просте 🙂

Головна думка то схосуваня фонетычных аналоґій альфабету і азбукы.


Windows 7 (32/64)

Стягний і заінсталюй проґрам доступний за мотузком. По інсталяциі вкаже ся як уклад украіньской клявіятуры. Коли в компутері єст уж заінсталюваний даякій украіньскій уклад, треба выбрати: “lemko cyrylic qwerty”.

Долов реченый уклад:

lem_asdf_norm

 

Додатковы буквы по втисніню правого альта (AltGr) або лівого альта і контроля (Ctrl+Alt):

lem_asdf_alt

 


Windows 8, 8.1 (32/64)

Стягний і заінсталюй проґрам доступний за мотузком. Зрестартуй комутер. По рестарті вкаже ся уклад украіньской клявіятуры. Коли в компутері єст уж заінсталюваний даякій украіньскій уклад, треба выбрати: “lemko cyrylic qwerty”. Уклад клявіятуры єст такій, як на образках горі.


Windows XP

Заінсталюй проґрам fbruss, а потім выбер уклад клявіятуры “Russian ASDF”


Mac OS Х

В системі з ябком єст кус легше. Не треба нич стігати, лем войти в системовы переференциі (Язык і Реґіон):

preferencyi

 

Пак додати новий уклад (1):

preferencyi_klaw

В листі по лівій треба найт Russian і выбрати з листы поправо Russian – Phonetic, пак додати.

jazyk_ru_phonetic

Вісти

Про автора

Павльо Малецкій
Павльо Малецкій

Єст адюнктом AGH Науково-Технічного Університету в Кракові. Скінчыл з выріжніньом маґістерскы студиі з Автоматыкы і роботыкы та Інжынєриі звуку. На механічным выділі AGH в 2013 році оборонил докторску дисертацию на тему "Евалюация субъєктывних і объєктывних прикмет акустычного простору, поміщынь о долгым часі поголосу". Його науковы заінтересуваня зосереджают ся на психоакустыці, а особливо на перцепциі хоровой музыкы в присутности поголосу, але тіж інтенсывні працує над модерныма амбісонічныма техніками синтезы звуку. Єст автором більше як 50 науковых дописів і лавреатом вельох нагорід і стипендий, м.ін. Стипендиі Президента Міста Кракова, ци европейского проєкту Доктус. Был долголітім членом ансамблю Лемковина і хору Ірмос. Од 2015 р. ведучий заряду Стоваришыня Руска Бурса. -------------------------------------- Pawel Malecki was born in Gorlice, Poland in 1985. He received his M.Sc. (Tech.) in mechanics, and Ph.D. degree in vibroacoustics from the AGH University in Cracow, Poland, 2013. His thesis "Evaluation of objective and subjective factors of highly reverberant acoustic field" focused on psychoacoustic aspects of choral music perception in the diffused field. His main research tools were auralization techniques combined with ambisonics. He works at the AGH University and as a freelancing sound engineer and acoustic consultant. Dr. Malecki has designed the acoustics of the recording studio in the new AGH University Media Center. He is an officer of the Polish Acoustical Society.

2 Comments

  1. Демко Трохановскій Демко Трохановскій

    Дякуєме за коментар. Пишеме о практычным хоснуваню доступных метод писаня в лемківскым языку, а не о політычно-ґеоґрафічным аспекті…

  2. “В листі по лівій треба найт Russian і выбрати з листы поправо Russian – Phonetic, пак додати”
    А чом не Ukrainian?

Коментар