Початок грудня – «Говорить Пряшів» – пятниця, 20.00 год.

0

Днес маме 1. грудня/децембра. Штораз ближе до кінця 2017 рока. Штораз ближе до Різдва, штораз ближе до Маланкы і Нового Рока. З кінцьом старого роздумуєме про новы пляны на будучий.

Нашы орґанізациі поскладали внескы про дотациі на свою діяльніст. Зачало ся наново. Хто достане більше, а хто достане і пак оддаст? Нам лем такє як вода на млин.

Вчера в нашым радию радили сме, што в Чырчу сніг. То нич чудне, кєд бодай на цілій Карпатскій Руси завитала зима. Але ци то лем зима? Шак то зимиско. Як все почудували ся тоты, якы мают давати на стан пути і путиків, што не лем медже нашыма селами. Хоц кєд бы так не солили, а тримал бы ся сніг і лед, то бы ґазда мал нагоду запрячы пару кони і сой санями поіздити. Так як колиси. Так як дома. Лем ци тото дома значыт іщы саме єдно, як для дуже старшых од мене? Бою ся, же ніт.

Пробом вказаня, што не лем забавом Лемко жыє, є передача од Пряшова, «Говорить Пряшів». Поучытельно нам припомянут, што уж 1. грудня/децембра 1934 рока Русины мали своє радийо! Гей, не сме першы аж так до кінця. Про Русинів на Пряшівскій Руси як раз товды возникло перше русиньскє радийо. Мы лем продолжаме красну традицию. І досправды сме зашли далеко.

Буде тіж кус поезиі. В Книжници.фм выслухаме вершів Юрка Харитуна.

 До стрічы о тыжден.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.
Share.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.