Голосник

Прямый пренос з Крениці – 30 років часопису Бесіда – пятниця, 17.00 год.

Просиме слухати безпосередню трансмісию з торжественного ювілею часопису «Бесіда».
З той нагоды буде мож слухати выступлінь гости, споминів редакторів і концерту, можливе лучыня з редактором зза Великой Млакы

Спомины на початкы лемківскых медий з Польщы представит іх основатель – Петро Трохановскій,  головный редактор часопису «Бесіда». Придут не лем авторы і чытальникы з Польщы, але тіж представникы русиньскых медий, журналисты зо Словациі і Украіны.

Артистичный проґрам обогаченый буде выступами двох інтерпретаторок лемківской музикы. Найпшерше в більше традицийным виді запрезентує свою творчіст Юлия Дошна. Сусанна Яра выступит так само з репертуаром русиньскых пісен, котры рыхтує в модерных, альтернативных обробках. Гушлярскій дует, Мариюш Мончак і Миколай Мончак, заграт творы мадярского композитора і піяністы Белі Бартока. На конец артистичной части запрезентує ся тіж русиньскій фольклорный ансамбль Барвінок з Камюнкы.

 

Спомянеме тіж на «Голос Ватры» – першый повоєнный лемківскій ча­сопис, выдаваный з нагоды Лемківской Ватры, котра была скликана на потребы артистичных варшататів ансамблю Лемковина з Білянкы. Часопис першый раз вышол 35 років тому, в 1984 і был выдаваный до 1989 р. – т.є. до часів коли то саму ватру нечестно перевзяли украіньскы середовиска.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі