Голосник

Праздник свв. Петра і Павла (Ганчова, Св. Гора Явір) – фотореляция

0
12. липця/юлия каждого рока православны вірны Лемковины берут участ в богослужынях на Святій Горі Явір, в припадаючым в тот ден празднику свв. Апостолів Петра і Павла. Традицийно при нагоді праздника орґанізуване было православне поломництво, в котрым путувала предовшыткым молодіж.

Поломникы зачали свою духову подорож в віторок, 10. липця/юлия, о 9.00 молитвом в церкви в Перегримці, пак пішли до Бортного. Другого дня ішли з Бортного через Ґладышів до Ганчовы. Там пополудни зачала ся всеночна, котру очелил владыка перемышльско-ґорлицкой єпархіі, архієпископ Паісий та приіздний владыка лодзіньско-познаньскій, єпископ Афанасий.

В праздник свв. Петра і Павла по 7.00 год. рано поломникы по короткій молитві вышли з Ганчовы до Высовы, де при місцевій церкви св. Михала были внет витаны єрархы. Одтамале в посліднім етапі поломництва вірны пішли в сторону св. Горы Явір. Перед Божеском Літургійом была посвячена вода. Внет по ній дзвін і крест од православной молодежы.

Долов фотореляция спілпрацівника ЛЕМ.фм Миколая Ґрича з всеночной, служеной в православній церкви Покровы Пресвятой Богородиці в Ганчові та праздника свв. Петра і Павла на Горі Явір.

Шеруй.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар