Голосник

Професийоналізация порталю лем.фм

По веце як трьох роках діяльности радия лем.фм і праві річным функцийонуваню інформацийного порталю, дальше ся розвиваме. Хочеме запропонувати новий ґрафічниий одяг, котрий є барже функцийональний і легше на ним перезерати тото, што сме зрыхтували. А маме уж веце як 700 дописів і, хоц вельо з них то короткы пресовы ноткы, то сут і розвинены публіцистычны фельєтоны. Вшыткы дописы остали заімпортуваны, але коментарі сме лишыли, бо новий систем бы вказал адресы іп авторів і бы ся декотри стрільці мусіли барз стыдати. Лишаме поділ на тематычны катеґориі дописів, але докладаме тіж новы функцийональности:

  • подіі в хронолоґічым порядку і календар, на котрым мож провірити што, де і коли,
  • ґалериі знимок – старых і новых,
  • форум, де мож вымінити погляды і легко побесідувати,
  • сортуваня по авторах, датах, змісті і інчых атрибутах,
  • етнобізнес, значыт місце де можете дашто придбати для себе за грошы, а мы ся на тым доробиме,
  • можливіст лоґуваня ся контом ґамбокнижкы (facebook) і ґуґль (google),
  • вельо інчых, меншых і векшых усправнінь, котры найдете, як лем будете хоснувати порталь.

А над наступныма додатками і пошырюваньом змісту уж працуєме.

Запрашаме до спілпрацы: авторів текстів, фотоґрафів, коректорів, тлумачів, інформатыків і вшыткых заінтересуваных діяньом в сучасных, модерных лемківскых медиях.

Шеруй.

О авторі

Павльо Малецкій

Єст адюнктом AGH Науково-Технічного Університету в Кракові. Скінчыл з выріжніньом маґістерскы студиі з Автоматыкы і роботыкы та Інжынєриі звуку. На механічным выділі AGH в 2013 році оборонил докторску дисертацию на тему "Евалюация субъєктывних і объєктывних прикмет акустычного простору, поміщынь о долгым часі поголосу". Його науковы заінтересуваня зосереджают ся на психоакустыці, а особливо на перцепциі хоровой музыкы в присутности поголосу, але тіж інтенсывні працує над модерныма амбісонічныма техніками синтезы звуку. Єст автором більше як 50 науковых дописів і лавреатом вельох нагорід і стипендий, м.ін. Стипендиі Президента Міста Кракова, ци европейского проєкту Доктус. Был долголітім членом ансамблю Лемковина і хору Ірмос. Од 2015 р. ведучий заряду Стоваришыня Руска Бурса. -------------------------------------- Pawel Malecki was born in Gorlice, Poland in 1985. He received his M.Sc. (Tech.) in mechanics, and Ph.D. degree in vibroacoustics from the AGH University in Cracow, Poland, 2013. His thesis "Evaluation of objective and subjective factors of highly reverberant acoustic field" focused on psychoacoustic aspects of choral music perception in the diffused field. His main research tools were auralization techniques combined with ambisonics. He works at the AGH University and as a freelancing sound engineer and acoustic consultant. Dr. Malecki has designed the acoustics of the recording studio in the new AGH University Media Center. He is an officer of the Polish Acoustical Society.

Коментарі