Професор Михал Капраль – Русиньска журналистика – выклад на завершыня проєкту Pro Rusyn Radio Programme, віторок 20.00 год.

0

Третя і послідня подія реалізувана в рамках проєкту Pro Rusyn Radio Programme проходила в днях 11.-12. листопада/новембра т.р. в Будапешті. В рамках семінара доподів про історию русиньского языка та русиньской журналистикы выголосил проф. Михал Капряль. Просиме на ретрансмісию выкладу днес о 20.00 год.

Специяльні для участників стрічы в Будапешті русиньскій дослідник проф. Карпаль представил тіж ситуацию русиньского языка на Мадярах і проблемы звязаны з тамтышньом кодифікацийом. Дводньовий семінар в Будапешті был підсумуваньом цілого проєкту та здобытого знаня і досвідчыня звязаного з меншыновом журналистиком і выникаючом з ней специфіком роботы. Участникы стрічы мали нагоду вымінити своі погляды тыкаючы журналистикы серед меншыновых ґруп. Дискутувано про можніст і способы розвитку меншыновой журналистикы. Треті варштаты тыкали тем культурной анімациі Русинів, іх інтеґрациі і знаня істориі Русинів, жыючых на обшыри держав Вышеградской Ґрупы.

Проєкт реалізуваний єст через Стоваришыня Руска Бурса в Ґорлицях і його медияльну ґрупу ЛЕМ.фм (сайт www.lem.fm), Русиньскє культурно-освітнє общество А. Духновича (Rusínsky kultúrno-osvetový spolok A. Duchnoviča v Prešove) та Вседержавний Русиньскій Самоуряд з Будапешту (Országos Ruszin Önkormányzat – www.rusyn.hu).

Share.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.