ПроРусин / Андрий Копча про народины СЛ і першы Ватры в Горах – середа, 20.00 год.

0

В днешнім проґрамі з сериі ПроРусин запрашам на інтервю з ведучым Стоваришыня Лемків, Андрийом Копчом. Оповіст він про історию основаня СЛ – найстаршой повыселенчой русиньской орґанізациі в Польщы.

Надале А. Копча спомяне на першы Лемківскы Ватры в Горах. Бывал на них не як орґанізатор, а радше обсерватор, якій уж в 1989 році стал ся лідером русиньского руху в Польщы. Припомне факт, што в 1990 році розпалял Лемківску Ватру в Ждыни, зато што рік перше достал мено «Лемка 1989 Рока». Мій спілбесідник вкаже на особы, якы были фактичныма орґанізаторами першых Ватр в Горах.

Тото і більше днес о 20.00 год.

фот. Історична фотоґрафія основателів СЛ (хоц не вшыткых) 


Премєра проґраму в середу, 27. грудня/децембра о 20.00 год., повторіня вночы з середы на четвер о 4.00 год. та в суботу, 30. грудня/децембра, о 15.00 год.

Шеруй.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2018. Вшыткы права застережены.