Голосник

ПУЛС кличе заспівати собі. Зо своїм новым діском

0

Піддукляньскый умелецькый людовый субор (ПУЛС – ПУНА) святкує 60 років од свого основаня. Із той нагоды на 11-го децембра 2015 р. приготовив новый премєровый проґрам і теперь приходить із новым музичным діском під назвов „Заспівайме собі“.

На новім діску нашого професіоналного ансамблю є 9 співанок, што творить майже пятьдесять минут музикы. Не іде лем о звычайны просты співанкы, но девять тітулів є обробленых до цілых музичных блоків. На діску співать цілково дванадцять співаків ПУЛС-у.

О музичну режію і діріґованя постарав ся єден із найзнамішых діріґентів ансамблю Юліюс Селчан. Драматурґія і выбераня конкретных співанок были під веджіньом Юрая Швантнера. Як авторы діску повіли про денник Korzár, вшыткым прихыльникам фолклору і любителям ПУЛС-у хотіли діском вказати, же хоць має ансамбель 60 років, не є жадным дідом, а ентузіазмом і позітівнов енерґійов выжаруючій леґінь.

ПУЛС є єдиным русиньскым професіоналным ансамбльом і выникнув у 1955 році у Пряшові (втогды як україньскый ансамбель) з цільом шырити і сценічно вытворяти вокално-музичне і танечне богатство Русинів і Українців. В колектіві, котрый творять три части – танечна, співацька і музична – робить веце як 40 умелців.

За часів богатой історії ся у колектіві ПУЛС вычеряло веце як 500 професіоналных умелців. Многы з них у своїй карьєрі продовжовали в іншых колектівах на Словакії, або і за його граніцями. Бывшы „Пульсаци“ ведуть аматерьскы колектівы, або як педаґоґы присвячують свій час выхові молодой умелецькой ґенерації.

Од свого выникнутя ПУЛС абсолвовав веце як дясять тісяч представлінь дома і десяткы выступлінь за граніцями Словакії. Аплавдовала му публіка в Анґлії, Булґарії, Данії, Франції, Голандії, Югославії, Канаді, Норвеґії, Польщі, Австрії, Німецьку, Швайцарії, Італії, Тунісі, США і в країнах бывшого СССР.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар

ПУЛС кличе заспівати собі. Зо своїм новым діском

0

Піддукляньскый умелецькый людовый субор (ПУЛС – ПУНА) святкує 60 років од свого основаня. Із той нагоды на 11-го децембра 2015 р. приготовив новый премєровый проґрам і теперь приходить із новым музичным діском під назвов „Заспівайме собі“.

На новім діску нашого професіоналного ансамблю є 9 співанок, што творить майже пятьдесять минут музикы. Не іде лем о звычайны просты співанкы, но девять тітулів є обробленых до цілых музичных блоків. На діску співать цілково дванадцять співаків ПУЛС-у.

О музичну режію і діріґованя постарав ся єден із найзнамішых діріґентів ансамблю Юліюс Селчан. Драматурґія і выбераня конкретных співанок были під веджіньом Юрая Швантнера. Як авторы діску повіли про денник Korzár, вшыткым прихыльникам фолклору і любителям ПУЛС-у хотіли діском вказати, же хоць має ансамбель 60 років, не є жадным дідом, а ентузіазмом і позітівнов енерґійов выжаруючій леґінь.

ПУЛС є єдиным русиньскым професіоналным ансамбльом і выникнув у 1955 році у Пряшові (втогды як україньскый ансамбель) з цільом шырити і сценічно вытворяти вокално-музичне і танечне богатство Русинів і Українців. В колектіві, котрый творять три части – танечна, співацька і музична – робить веце як 40 умелців.

За часів богатой історії ся у колектіві ПУЛС вычеряло веце як 500 професіоналных умелців. Многы з них у своїй карьєрі продовжовали в іншых колектівах на Словакії, або і за його граніцями. Бывшы „Пульсаци“ ведуть аматерьскы колектівы, або як педаґоґы присвячують свій час выхові молодой умелецькой ґенерації.

Од свого выникнутя ПУЛС абсолвовав веце як дясять тісяч представлінь дома і десяткы выступлінь за граніцями Словакії. Аплавдовала му публіка в Анґлії, Булґарії, Данії, Франції, Голандії, Югославії, Канаді, Норвеґії, Польщі, Австрії, Німецьку, Швайцарії, Італії, Тунісі, США і в країнах бывшого СССР.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар