Голосник

ПУЛС (ПУНА) святкує 60 років

0

Піддукляньскый умелецькый людовый субор (ПУЛС – ПУНА) того року святкує 60 років од свого основаня. Із той нагоды на 11-го децембра 2015 р. приготовив новый премєровый проґрам, котрым собі тот вызначный юбілей припомяне. Проґрам одбуде ся о 18.30 год. на Великій сцені Театру Йонаша Заборьского в Пряшові.

ПУЛС є єдиным русиньскым професіоналным ансамбльом і выникнув у 1955 році у Пряшові (втогды як україньскый ансамбель) з цільом шырити і сценічно вытворяти вокално-музичне і танечне богатство Русинів і Українців. В колектіві, котрый творять три части – танечна, співацька і музична – робить веце як 40 умелців.

Драматурґія ПУЛС-у ся зосереджує в першім ряді на традіції Русинів, жыючіх на выході Словакії, але так само на фолклор остатніх реґіонів Словеньска, котрый ся колектів намагать перекомпоновати до высшой сценічной подобы. У своїм репертоарі мать ПУЛС і танці з навколишніх країн. ПУЛС є унікатным тілесом, што можеме видіти на його представлінях, у котрых є зображена сила гордого натурелу, яка ся зъєднує із выбрушеным чутьом про поетіку. Концерты ПУЛС-у суть повны емоцій, ідейно богаты, їх участник ся може нелем одреаґовати, але тыж начерьпати множество позітівной енерґії.

За часів богатой історії ся у колектіві ПУЛС вычеряло веце як 500 професіоналных умелців. Многы з них у своїй карьєрі продовжовали в іншых колектівах на Словакії, або і за його граніцями. Бывшы „Пульсаци“ ведуть аматерьскы колектівы, або як педаґоґы присвячують свій час выхові молодой умелецькой ґенерації.

Од свого выникнутя ПУЛС абсолвовав веце як дясять тісяч представлінь дома і десяткы выступлінь за граніцями Словакії. Аплавдовала му публіка в Анґлії, Булґарії, Данії, Франції, Голандії, Югославії, Канаді, Норвеґії, Польщі, Австрії, Німецьку, Швайцарії, Італії, Тунісі, США і в країнах бывшого СССР.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

puls_jubilej

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар

ПУЛС (ПУНА) святкує 60 років

0

Піддукляньскый умелецькый людовый субор (ПУЛС – ПУНА) того року святкує 60 років од свого основаня. Із той нагоды на 11-го децембра 2015 р. приготовив новый премєровый проґрам, котрым собі тот вызначный юбілей припомяне. Проґрам одбуде ся о 18.30 год. на Великій сцені Театру Йонаша Заборьского в Пряшові.

ПУЛС є єдиным русиньскым професіоналным ансамбльом і выникнув у 1955 році у Пряшові (втогды як україньскый ансамбель) з цільом шырити і сценічно вытворяти вокално-музичне і танечне богатство Русинів і Українців. В колектіві, котрый творять три части – танечна, співацька і музична – робить веце як 40 умелців.

Драматурґія ПУЛС-у ся зосереджує в першім ряді на традіції Русинів, жыючіх на выході Словакії, але так само на фолклор остатніх реґіонів Словеньска, котрый ся колектів намагать перекомпоновати до высшой сценічной подобы. У своїм репертоарі мать ПУЛС і танці з навколишніх країн. ПУЛС є унікатным тілесом, што можеме видіти на його представлінях, у котрых є зображена сила гордого натурелу, яка ся зъєднує із выбрушеным чутьом про поетіку. Концерты ПУЛС-у суть повны емоцій, ідейно богаты, їх участник ся може нелем одреаґовати, але тыж начерьпати множество позітівной енерґії.

За часів богатой історії ся у колектіві ПУЛС вычеряло веце як 500 професіоналных умелців. Многы з них у своїй карьєрі продовжовали в іншых колектівах на Словакії, або і за його граніцями. Бывшы „Пульсаци“ ведуть аматерьскы колектівы, або як педаґоґы присвячують свій час выхові молодой умелецькой ґенерації.

Од свого выникнутя ПУЛС абсолвовав веце як дясять тісяч представлінь дома і десяткы выступлінь за граніцями Словакії. Аплавдовала му публіка в Анґлії, Булґарії, Данії, Франції, Голандії, Югославії, Канаді, Норвеґії, Польщі, Австрії, Німецьку, Швайцарії, Італії, Тунісі, США і в країнах бывшого СССР.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

puls_jubilej

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар