Голосник

Реаґованє на тексти обявени 19. і 20. фебруара 2015. року на порталє

РЕАҐОВАНЄ НА ТЕКСТИ ОБЯВЕНИ 19. И 20. ФЕБРУАРА 2015. РОКУ НА ПОРТАЛЄ Председа Світовой рады Русинів ку сітуації на Україні и Оповіданя зпід зеленого гаю.

ИДЗЕ БАРАН ПО МОСЦЕ
НОШИ ДУДВИ НА ХВОСЦЕ

У текстох хтори сце обявели 19. и 20 фебруара 2015. року на порталє Председа Світовой рады Русинів ку сітуації на Україні и Оповіданя зпід зеленого гаю автора Петра Медвідя, обявели сце вецей нєточносци, препущеня, критизерски оцени зоз нєодмераним и нєприлаплївим способом пробованьом кририкованя роботи Шветовей ради Русинох.

Думам же прето лєпше же би сце мойо тексти од 30. януара 2015. року обявели у ориґиналу, бо вони наменнєни першенствено медийскому концизному, краткому и ясному информованю о активносцох Шветовей ради Русинох у прешлим року и на початку 2015. року. Написани су и зоз жаданьом же би у мири хтора им будзе медийно дошлєбодзена плївовали на зоперанє войни, войнових зраженьох на востоку України, у хторих на жаль по мобилизацийней сили муша участвовац у Подкарпатски Русини, гоч их їх держава – Україна нє припознава як Русинох, як окремну меншинску националну заєднїцу, окремни народ хтори жиє, роби и твори у ище седем штреднєевропских жемох у хторих є припознати: то Польска, Чесша, Словацка, Мадярска, Сербия, Горватска и Румуния., як членски орґанизациї Шветового конґреса Русинопх зоз Европи.

Най вас здогаднєм же и Україна подписнїк Европскей поволї о реґионалних або меншинских язикох, та ю тота Повеля на тото и обовязує, алє то лєм вона – Україна ище вше нє витворела, пре лєм єй познати причини. Гибаль, же су познати и вам.

Нєприкладни и критизерства о роботи Шветовей ради Русинох у прешлим року, хтору автор тих обявених текстох на вашим порталу, на жаль нє провадзел, лєбо го я и други члени Шветовей ради Русинох там нє обачовали. Да провадзел знал би же Шветова рада Русинох и у прешлим року, як и у рокох пред тим од 2009. року, свойо активносци у 2014. року запровадзовала на основи штирох планских документох, хтори вишлїдзує зоз Резолуциї XII Шветового конґреса Русинох, хтори отримани од 12. до 14. юлия 2013. року у Мукачеве, Ужгороду и Сваляви на Подкарпатю у України, то:

  • План проєктох (ґрантох) Шветового конґреса Русинох за 2014. рок,
  • План означованя и преслави Дня Русинох/ Дня Руснацох/ Дня Лемкох у 2014. року,
  • План активносцох Шветовей ради Русинох и План активносцох комисийох Шветового конґреса Русинох у 2014. року, и
  • План предстояцих активносцох зоз участвованьом членох Шветовей ради Русинох у 2014. року.

Шицки тоти штири плански документи обявени на веб сайту Шветового конґреса Русинох.

Нє знам чом ше пан автопр тих текстох обявених на вашим порталу 19. и 20. фебруара того року нє запита чом нїхто нє дава одвит на Преглашенє делеґатох XII Шветового конґреса Русино о потреби припознаваня Русинох у України за окремну националну заєднїцу и припознаванє русинского язика за окремни меншински або реґионални язик у України, хторе послате до Парламента (Верховней ради) и до Влади України, лєбо хто и чом гамує намаганя за витворйованє и реализацию тих планских документох, на приклад прецо Дзень Русинох ище вше нє утвердзени и нє означує ше у Ческей, на Подкарпатю у України, у Зєдинєних Америцких Державох и Канади, а прецо Дзень Русинох на Лемковини преславени перши раз у децембру прешлого року. Лєбо, прецо нє потримана Вимога Шветовей ради Русинох за запровадзованє порядних студийох русинскей фолклористини на Прешовским универзитету у Прешове, прецо нє потримана Вимога Шветовей ради Русинох за орґанизованє IV Медзинародного конґреса русинского язика у Новим Садзе у Сербиї з нагоди означованя и преслави 30-рочнїци роботи Оддзелєня русинистики (бувшей Катедри за русински язик и литературу) на Филозофским факултету у Новим Садзе, прецо нїхто нє реаґує на Вимогу Шветового конґреса Русинох, хтора послато до Парламента Польскей Републики за преглашенє Аклциї “Висла” за нєзаконїту акциї, прецо нїхто нє реаґує на Вимогу Шветовей ради Русинох же би достала подполну документацию о роботи Шветового конґреса Русинох у периодзе од 1991. по 2009. рок, хтора з єдней часци “одложена” до Музею русинскей култури у Прешове, а у хторей нєй финансийней документациї…

Приповедка автора Петра Медвідя о бочкорашови добри приклад за його роботу и овявйованє текстох на вашим порталу 19. и 20. фебруара того року. Можебуц би ше там, ґу бочкорашови, требал и врациц.

Врацим ше на початок, ґу наслову того реаґованя:

Идзе баран по мосце, ноши дудви на хтосце. На питанє панох дзе идзе одвитовал же идзе до Кракова, алє го там стретнуц медведз, хтори го мал дзеку розтаргац, алє ше заш лєм догварели…Пошли вєно до Кракова, панове ше розбегали на шицки боки, а вони засновали студийнїцу, та млаца празну сламу.

Сердечни поздрав,

Дюра Папуґа, предсидатель Шверовей ради Русинох

У прилогу того текста посилам вам и:

  • текст под насловом “Войну треба и муши ше зопрец”, [doc]
  • текст под насловом “Упечатлїви розвой русинского роху”, [doc]
  • План проєктох (ґрантох) Шветового конґреса Русинох за 2014. рок, [doc]
  • План означованя и преслави Дня Русинох/ Дня Руснацох и Дня лемкох у 2014. року, [doc]
  • План активносцох Шветовей ради Русинох и План активносцох комисийох Шветового конґреса Русинох у 2014. року, и [doc]
  • План предстояцих активносцох з участвованьом членох Шветовей ради Русинох у 2014. року. [doc]

 

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментарі

Реаґованє на тексти обявени 19. і 20. фебруара 2015. року на порталє

РЕАҐОВАНЄ НА ТЕКСТИ ОБЯВЕНИ 19. И 20. ФЕБРУАРА 2015. РОКУ НА ПОРТАЛЄ Председа Світовой рады Русинів ку сітуації на Україні и Оповіданя зпід зеленого гаю.

ИДЗЕ БАРАН ПО МОСЦЕ
НОШИ ДУДВИ НА ХВОСЦЕ

У текстох хтори сце обявели 19. и 20 фебруара 2015. року на порталє Председа Світовой рады Русинів ку сітуації на Україні и Оповіданя зпід зеленого гаю автора Петра Медвідя, обявели сце вецей нєточносци, препущеня, критизерски оцени зоз нєодмераним и нєприлаплївим способом пробованьом кририкованя роботи Шветовей ради Русинох.

Думам же прето лєпше же би сце мойо тексти од 30. януара 2015. року обявели у ориґиналу, бо вони наменнєни першенствено медийскому концизному, краткому и ясному информованю о активносцох Шветовей ради Русинох у прешлим року и на початку 2015. року. Написани су и зоз жаданьом же би у мири хтора им будзе медийно дошлєбодзена плївовали на зоперанє войни, войнових зраженьох на востоку України, у хторих на жаль по мобилизацийней сили муша участвовац у Подкарпатски Русини, гоч их їх держава – Україна нє припознава як Русинох, як окремну меншинску националну заєднїцу, окремни народ хтори жиє, роби и твори у ище седем штреднєевропских жемох у хторих є припознати: то Польска, Чесша, Словацка, Мадярска, Сербия, Горватска и Румуния., як членски орґанизациї Шветового конґреса Русинопх зоз Европи.

Най вас здогаднєм же и Україна подписнїк Европскей поволї о реґионалних або меншинских язикох, та ю тота Повеля на тото и обовязує, алє то лєм вона – Україна ище вше нє витворела, пре лєм єй познати причини. Гибаль, же су познати и вам.

Нєприкладни и критизерства о роботи Шветовей ради Русинох у прешлим року, хтору автор тих обявених текстох на вашим порталу, на жаль нє провадзел, лєбо го я и други члени Шветовей ради Русинох там нє обачовали. Да провадзел знал би же Шветова рада Русинох и у прешлим року, як и у рокох пред тим од 2009. року, свойо активносци у 2014. року запровадзовала на основи штирох планских документох, хтори вишлїдзує зоз Резолуциї XII Шветового конґреса Русинох, хтори отримани од 12. до 14. юлия 2013. року у Мукачеве, Ужгороду и Сваляви на Подкарпатю у України, то:

  • План проєктох (ґрантох) Шветового конґреса Русинох за 2014. рок,
  • План означованя и преслави Дня Русинох/ Дня Руснацох/ Дня Лемкох у 2014. року,
  • План активносцох Шветовей ради Русинох и План активносцох комисийох Шветового конґреса Русинох у 2014. року, и
  • План предстояцих активносцох зоз участвованьом членох Шветовей ради Русинох у 2014. року.

Шицки тоти штири плански документи обявени на веб сайту Шветового конґреса Русинох.

Нє знам чом ше пан автопр тих текстох обявених на вашим порталу 19. и 20. фебруара того року нє запита чом нїхто нє дава одвит на Преглашенє делеґатох XII Шветового конґреса Русино о потреби припознаваня Русинох у України за окремну националну заєднїцу и припознаванє русинского язика за окремни меншински або реґионални язик у України, хторе послате до Парламента (Верховней ради) и до Влади України, лєбо хто и чом гамує намаганя за витворйованє и реализацию тих планских документох, на приклад прецо Дзень Русинох ище вше нє утвердзени и нє означує ше у Ческей, на Подкарпатю у України, у Зєдинєних Америцких Державох и Канади, а прецо Дзень Русинох на Лемковини преславени перши раз у децембру прешлого року. Лєбо, прецо нє потримана Вимога Шветовей ради Русинох за запровадзованє порядних студийох русинскей фолклористини на Прешовским универзитету у Прешове, прецо нє потримана Вимога Шветовей ради Русинох за орґанизованє IV Медзинародного конґреса русинского язика у Новим Садзе у Сербиї з нагоди означованя и преслави 30-рочнїци роботи Оддзелєня русинистики (бувшей Катедри за русински язик и литературу) на Филозофским факултету у Новим Садзе, прецо нїхто нє реаґує на Вимогу Шветового конґреса Русинох, хтора послато до Парламента Польскей Републики за преглашенє Аклциї “Висла” за нєзаконїту акциї, прецо нїхто нє реаґує на Вимогу Шветовей ради Русинох же би достала подполну документацию о роботи Шветового конґреса Русинох у периодзе од 1991. по 2009. рок, хтора з єдней часци “одложена” до Музею русинскей култури у Прешове, а у хторей нєй финансийней документациї…

Приповедка автора Петра Медвідя о бочкорашови добри приклад за його роботу и овявйованє текстох на вашим порталу 19. и 20. фебруара того року. Можебуц би ше там, ґу бочкорашови, требал и врациц.

Врацим ше на початок, ґу наслову того реаґованя:

Идзе баран по мосце, ноши дудви на хтосце. На питанє панох дзе идзе одвитовал же идзе до Кракова, алє го там стретнуц медведз, хтори го мал дзеку розтаргац, алє ше заш лєм догварели…Пошли вєно до Кракова, панове ше розбегали на шицки боки, а вони засновали студийнїцу, та млаца празну сламу.

Сердечни поздрав,

Дюра Папуґа, предсидатель Шверовей ради Русинох

У прилогу того текста посилам вам и:

  • текст под насловом “Войну треба и муши ше зопрец”, [doc]
  • текст под насловом “Упечатлїви розвой русинского роху”, [doc]
  • План проєктох (ґрантох) Шветового конґреса Русинох за 2014. рок, [doc]
  • План означованя и преслави Дня Русинох/ Дня Руснацох и Дня лемкох у 2014. року, [doc]
  • План активносцох Шветовей ради Русинох и План активносцох комисийох Шветового конґреса Русинох у 2014. року, и [doc]
  • План предстояцих активносцох з участвованьом членох Шветовей ради Русинох у 2014. року. [doc]

 

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментарі