Голосник

„Реґістер Забытків” на антені радия лем.фм, середа 20.00 год.

Сердечні просиме на новий проґрам радия лем.фм – Реґістер Забытків.

Завдякы понаддволітнім радийовым вандрівкам разом з проґрамом А Я[К]…? познали сме Лемковину од А до Я, але в скали макро, а тепер оферуєме Вам познаня Лемковины в скали мікро. Сотвориме субъєктывний радийовий Реґістер Забытків – буде о цікавых объєктах, ріжных будовлях, місцях, трасах, скуписках, акциях, людях – словом, о вшыткым, што атракцийне можеме найти на Лемковині.

З нашым проґамом дознате ся, як богата є туристычна оферта Лемковины і буде Вас чудувало, чом на нашых стежках неє іщы такого руху як на закопяньскых крупівках.

Реґістер Забытків, середа 20.00 год.

Запрашам
Наталія Малецка

В першым одтинку проґраму Реґістер Забытків радия лем.фм дознате ся дакус о церкви св. Димитрія з Чорного, яка актуальні находит ся в сандецкым скансені.

(фот. архів Д. Новака і А. Малецкого)

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі