Голосник

Різдвяны стрічы на Пряшівскій Руси

На Пряшівскій Руси поєдны орґанізациі і соспільны ініциятивы просят на різдвяны стрічы. Русины, котры приналежат до Грекокатолицкой Церкви на Словациі, великій праздник Рождества Христового празднуют за новым стильом – т.є. згідно з григорияньскым календарьом. Прото тіж єдна з двох реченых долов подій пройде уж в найблизшым тыжни.

В неділю, 11. грудня/децембра, сельскє здружыня Русин Хмельова запрашат на Вифлеємскє пополудне, котре пройде в тамтышнім культурным домі. Орґанізаторы ґварантуют можніст вырабляня святочных прикрасок з традицийных материялів, збераня святочной яличкы та предовшыткым радістну атмосферу. Подія є реалізувана з фінансовом підпором села Хмельова.

844_chmelova

Другом з подій, котра пройде o тыжден, буде Рождественний концерт – Нова Радіст Стала, якій одбуде ся в суботу, 17. грудня/децембра т.р., в культурным домі в Іглянах. Подія тота дає можніст выслухати коляды од шестьох ґруп з Пряшівской Руси. В тот вечер запрезентуют ся Шамбрінці, Вородай, Дівчата з Іглян, Рутені-Балкан Дуо, Жаковчан, та Сестры Угляровы. Всутпне на тоту подію – 1 евро, а про діти до 15 років є дармо. Орґанізаторами подію сут молодіжна орґанізация Молоды.Русины, радийо Русин. фм, Rádio 9, а тіж Русиньска Оброда на Словациі.

rozdestvennyj_koncert

В другых частях Карпатской Руси тіж одбудут ся подібны святочны ініциятивы. Традицийно, як што рік на Лемковині, в культурыным центрі в Рускій Бурсі в Ґорлицях обдуде ся різдвяна стріча – Велия, про котру шырше заявиме неодолга.

Шеруй.

О авторі

Севериян Косовскiй

Народженый на чужыні. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Любитель давной Лемковины. Годен годинами слуxати про втрачене лемківскє щестя. Актуальні веде веселый проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментарі