«Час радости, веселости світу настал ныні» – такы слова чуєме в лемківскій коляді. В тот радістный час просиме Вас на высыланя радия ЛЕМ.фм з різдвяных богослужынь.
По прямым преносі Великого Повечеря, остаєме в креницкій православній церкви св. Владиміра, де в першый ден Різдвяных Свят од 10.00 год. будеме нажыво трансмітувати Божеску Літургію, котру буде служыл о. прот. Петро Пупчык, а співал буде парохіяльный хор під ведіньом Петра Трохановского.