Голосник

Русиньскы іншпірації в Славяньскій бібліотеці

0
В рамках святкованя сторічніці выникнутя Чехословацькой републікы Націонална бібліотека Чеськой републікы – Славяньска бібліотека вєдно із Обществом приятелів Підкарпатьской Руси орґанізує выставку під назвов Спрязнены вольбов – Підкарпатьскы і русиньскы іншпірації і вызвы в чеській літературі.

Выставка представлює выбер чеськой, но часточно і словацькой фаховой літературы, белетрії, образовых публікацій і проводників іншпірованых Підкарпатьсков Русьов і жывотом їй населіня.

Як пишуть орґанізаторы в анотації, позбераны творы, котры будуть выставлены, суть потверджіньом, як іншпіратівный быв і дотеперь є тот реґіон про чеськых умелців і науковців, і то неодносно ку тому, як ся там мінила політічна сітуація.

Выставка буде святочно одкрыта в просторах Націоналной бібліотекы в Празі 1-го новембра 2018-го року о 17.00 год. Доступна буде аж до 10-го януара 2019-го року.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА


Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар