Голосник

Русины в Празі: Русины о нас з вами

В рамках проєкту, котрый орґанізує русиньска ініціатіва в Чеській републіці – Rusini.cz, під назвов Русины о нас з вами, одбуде ся дня 29. новембра 2014 р. в Празі цілоденна културна подія о Русинах.

На події на вас чекать выставка фотоґрафій, варштаты народных ремесел, промітаня філмів, можете собі посмаковати на русиньскых традічных їдлах, а не буде браковати ани фолклорне выступліня. В проґрамі є і лекція на тему Русинів.

Проєкт Русины о нас з вами є співфінанцованый Міністерством културы Чеськой републікы з дотачного проґраму про културны актівности народностных меншын. Вшыткы Русины в Празі, ці любителі нашой културы, суть сердечно витаны.

Подія зачінать о 12.00 год. в Домі народностных меншын в Празі (уліця Vocelova 602/3). Вступ є вольный.

Про веце інформацій можете писати на імейл: info@rusini.cz
plagat

 

 

 

Шеруй.

О авторі

Петро Медвідь

Народженый в центрі Пряшівской Руси, в місті Пряшів. Локалпатріот. Актуалну тему з його точкы погляду мож чути каждый четверь в проґрамі Вступне до контроли о 18.10 год. Каждый робочій день од 8.00 год. мож слухати його Корзо, в котрім вас возьме до світа актуалной політікы. Контакт: petro@lem.fm

Коментарі