Голосник

«Щыро доношу. Судиме ся!» – понедільок, 20.00 год.

0
Што ся стало в стайни в Бортным? Ци Наста Журав пхнула жандарма? Ци корова была на тілько близко, жебы могла тручнути Насту? А чого глядали жандарм з лісничым в ґаздівці Журавів? І одкале на хырбеті Насты синякы?

Слухайте днес першой части той неповторной справы, дознате ся, ци одповід на звіданя, хто кого заатакувал, є таком очывидном, ци розсудити буде тяжко. Днес перша част, о тыжден продолжыня переслухань свідків і запис розправы.

Щыро доношу, што четверта серия не презентує поліцийных рапортів про жытя лемківского населіня в меджевоєнным періоді (тото было змістом першой і другой серий), не будут то тіж збійницкы судовы справы сперед парусот років (тым занимали сме ся в третій). Четверта серия є про тото, чым актуальні люблят занимати ся денекотры Лемкы (і ні, не буде нич про гуляня, співаня і печыня кобасок), а по правді то Лемкыні, а так властиві то єдна Лемкыня – суджыньом ся. На разі занимаме ся выміром справедливости сперед 100 років. Сут то головні обычайовы справы, часом назначены кримінальныма приметами, якы вказуют реляциі і односины в лемківскым соспільстві в передвоєнным періоді.

Вшыткы архівальны проґрамы найдете в радийовых подкастах. До почутя!


Премєра – понедільок о 20.00 год., повторіня о 4.00 год. вночы з понеділька на віторок та о 13.00 год. в найблизшу суботу.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар