Голосник

Щыры вінчуваня од редакторів ЛЕМ.фм – понедільок, 14.00 год.

0
Дорогы слухачы першого лемківского радия ЛЕМ.фм. З нагоды свят Різдва Христового, хочеме передати Вам щыры вінчуваня од нашого ансамблю.

По 14.00 год. в ефірі радия вызвучат вінчуваня, якы награны были нашыма редакторами специяльно для Вас.

Дякуєме, же сте з нами дальшый рік. Так приймийте тоты щыры желаня Божой благодати, щестя, здравля і вшыткого найліпшого з нагоды праздника Рождества і Нового 2019 Рока.

Вінчувати будут Наталія Малецка-Новак, Мирко Воргач, Демко Трохановскій, Павльо Малецкій, Богдан Ґамбаль, Кува Зиґмунт і Севериян Косовскій.


Вінчуваня вызвучат в різдвяный понедільок о 14.00 год. і 19.00 год. Повторіня заран (віторок, 08. січня/януара) о 2.00 год., 9.00 год. і 15.00 год.

фот. зима на Лемковині / Конечна

Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар