Голосник

Школы з русиньскым і україньскым языками ся боять занику

0

Малы школы ся боять, же не пережыють, по їх зрушыню підуть діти з народностных школ до словацькых.

Пряшів. Основны школы в Пряшівскім краю з навчалным языком україньскым або русиньскым боюють о каждого школяря. Малым школам грозить зрушыня, на дакотрых місцях вже такый вердікт є. Як грозьба наповнить ся, школярі з народностных школ будуть доходити до словацькых школ, бо в їх навколищу іншы не суть. Директоры школ то беруть як кривду.

Дві русиньскы школы очекують пять першокласників

Перша школа на теріторії Словакії з навчалным языком русиньскым выникла у 2008 році в селі Чабины в окресі Міджілабірці. Днесь має 17 школярів, з того трьох першокласників. На запис до першой класы ту очекують три діти. Як інформовала директорка основной школы з матерьсков школов Марія Ясикова, до школы гев ходять і діти зо сел Рожковці, Воліця і Радвань над Лабірцьом.

Другов школов в краї з навчалным языком русиньскым є Основна школа з матерьсков школов в Баєрівцях в окресі Сабінов. Школа має сім школярів. На запис до першой класы їм прийдуть дві діти. За існованя школы іщі хочуть забойовати.

Україньска школа в Габурі кінчіть

В краї є шість основных школ з навчалным языком україньскым. В Пряшові, Гуменнім і в селі Орябина в окресі Стара Любовня ся не мусять затля бояти о пережытя. Гірше є на тім школа в Габурі в окресі Міджілабірці, котра од септембра кінчіть. Аґентурі SITA то пітвердила єй директорка Данієла Команицька.

Школа має того часу 11 школярів, на запис до першой класы мають прийти дві діти. Реално вже зачнуть ходити од септембра до словацькой школы в Міджілабірцях. Кібы їх родичі хотіли дати на україньску школу, найблизша є в Гуменнім, што є 50 кілометрів.

В селі Хмельова в окресі Бардейов ходить до 1-ой аж 9-ой класы 41 школярів, з того є пять першокласників. На запис бы ту мало прийти вісем дітей. Директорка школы Анна Дзубакова повіла, же на їх школу ходять і діти з навколишніх сел Бехерів, Смилмо і Зборів. Кібы школа не пережыла, найблизшов школов з україньскым языком є Споєна школа Тараса Шевченка в Пряшові, далека 70 кілометрів.

Дамоклів меч вісіть над школов з україньскым языком в селі Удол в окресі Стара Любовня. В актуалнім школьскім році мають девять школярів, з того трьох першокласників. На запис очекують дві діти. Директорка Марія Томечкова повіла, же найблизша школа є в Плавниці, іде але о словацьку школу. Кібы родичі хотіли україньскый язык, тот ся учіть в селі Орябина, што є 20 кілометрів.

Русиньскый язык як неповинный

Пробу о захрану русиньского языка зробили в селі Радвань над Лабірцьом в окресі Міджілабірці, де на словацькій школі дали до школьского навчалного проґраму навчаня русиньского языка як неповинного. Школа має коло 100 школярів, до першой класы бы мали записати вісем аж девять дітей.

Жрідло: Аґентура SITA
Протлумачів: Петро Медвідь

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар

Школы з русиньскым і україньскым языками ся боять занику

0

Малы школы ся боять, же не пережыють, по їх зрушыню підуть діти з народностных школ до словацькых.

Пряшів. Основны школы в Пряшівскім краю з навчалным языком україньскым або русиньскым боюють о каждого школяря. Малым школам грозить зрушыня, на дакотрых місцях вже такый вердікт є. Як грозьба наповнить ся, школярі з народностных школ будуть доходити до словацькых школ, бо в їх навколищу іншы не суть. Директоры школ то беруть як кривду.

Дві русиньскы школы очекують пять першокласників

Перша школа на теріторії Словакії з навчалным языком русиньскым выникла у 2008 році в селі Чабины в окресі Міджілабірці. Днесь має 17 школярів, з того трьох першокласників. На запис до першой класы ту очекують три діти. Як інформовала директорка основной школы з матерьсков школов Марія Ясикова, до школы гев ходять і діти зо сел Рожковці, Воліця і Радвань над Лабірцьом.

Другов школов в краї з навчалным языком русиньскым є Основна школа з матерьсков школов в Баєрівцях в окресі Сабінов. Школа має сім школярів. На запис до першой класы їм прийдуть дві діти. За існованя школы іщі хочуть забойовати.

Україньска школа в Габурі кінчіть

В краї є шість основных школ з навчалным языком україньскым. В Пряшові, Гуменнім і в селі Орябина в окресі Стара Любовня ся не мусять затля бояти о пережытя. Гірше є на тім школа в Габурі в окресі Міджілабірці, котра од септембра кінчіть. Аґентурі SITA то пітвердила єй директорка Данієла Команицька.

Школа має того часу 11 школярів, на запис до першой класы мають прийти дві діти. Реално вже зачнуть ходити од септембра до словацькой школы в Міджілабірцях. Кібы їх родичі хотіли дати на україньску школу, найблизша є в Гуменнім, што є 50 кілометрів.

В селі Хмельова в окресі Бардейов ходить до 1-ой аж 9-ой класы 41 школярів, з того є пять першокласників. На запис бы ту мало прийти вісем дітей. Директорка школы Анна Дзубакова повіла, же на їх школу ходять і діти з навколишніх сел Бехерів, Смилмо і Зборів. Кібы школа не пережыла, найблизшов школов з україньскым языком є Споєна школа Тараса Шевченка в Пряшові, далека 70 кілометрів.

Дамоклів меч вісіть над школов з україньскым языком в селі Удол в окресі Стара Любовня. В актуалнім школьскім році мають девять школярів, з того трьох першокласників. На запис очекують дві діти. Директорка Марія Томечкова повіла, же найблизша школа є в Плавниці, іде але о словацьку школу. Кібы родичі хотіли україньскый язык, тот ся учіть в селі Орябина, што є 20 кілометрів.

Русиньскый язык як неповинный

Пробу о захрану русиньского языка зробили в селі Радвань над Лабірцьом в окресі Міджілабірці, де на словацькій школі дали до школьского навчалного проґраму навчаня русиньского языка як неповинного. Школа має коло 100 школярів, до першой класы бы мали записати вісем аж девять дітей.

Жрідло: Аґентура SITA
Протлумачів: Петро Медвідь

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар