Голосник

«Што докаже єдна млака», хмары над Пряшівщыном і Алекса Бокшай ґолькіпер ФК Русь Ужгород – проґрам «Говорить Пряшів» – пятниця, 18.10 год.

Радийо Русин.фм з Братиславы як каждый тыжден приносит порцийку вісти о плянуваных культурных подіях і роботі русиньскых інституций – музею, театру і ансамблю Пульс.

В Книжници.фм бібліотекар Ігор Латта буде чытал урывкы оповіданя Людмилы Шандальовой пн. Што докаже єдна млака.

Целебритом того тыжня буде Алекса Бокшай – спортовец, футболиста і учытель. Грал на брамці в славным клюбі ФК Русь Ужгород.

Алекса Бокшай (27. марця 1911, Великы Лазы – 27. серпня/авґуста 2007, Прага) – вызначный русиньскій і чехословацкій футбольовый спортовец – брамкар.

Петро Медвід в Перличках прочытат єдну статю надрукувану в підкарпатскій ґазеті «Неділя» в серпни/авґусті 1944 р. Допис пн. «Зберайме старинны назвы» єст про потребу всокотити традицийны назвы сел, границ, гір, лісів, ріль. Як пише автор, то тоты назвы, коли не было урядів, де мож было свою власніст сой записати, свідчыли про права маітеля. Можеме дознати ся, хто был маітельом і цілого села. Книга Петрова Карпаторускія межовія названя подає ріжны стародавны назвы, лем же споминат ся там лем на половину русиньскых сел.

Теодозия Латтова в Припомінці буде роздумувала про хмары. Самособом то буде лем вступ до оповіданя про вымераня нашых сел, одходжыня за роботом.

фоткы – wikipedia

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі