Розпродаж!

Сусанна Яра «Rusyn Takes»

20,00 

З великом радістю оддаю в Вашы рукы Rusyn Takes, платню зо знаныма і менше знаныма народныма і авторскыма русиньскыма піснями. Сердечні дякую музыкам за заанґажуваня і терпеливіст, бо то они в гідній мірі надали ій кольориту. Барз дякую ДемковиТрохановскому за думку на співанку «Горе малинячком», яку вельораз перед парома роками грали сме разом на весілях в такым як раз стилі. З Андрийом Трохановскым сме ся бавили в співаня дуровых народных пісен в моль – одталь «Маєран». Пречудна балада «В темну нічку» авторства Семана Мадзеляна та Ярослава Трохановского є знана і люблена, але на жаль мало хто знат, же є то авторска пісня. «Пливе кача» є твором з Закарпатя, найправдоподібнійше авторства Василя Ґренджы-Донского, а імпровізация на тему «Ой на горі сніг біленький» є смілом інтерпретацийом гуцульской пісні. Дякую Стоваришыню «Руска Бурса» в Ґорлицях за спілпрацу – бурса є вынятковым місцьом і подля мене барз важным для лемківской культуры. Кєд бы не іх ініциятива, тота платня бы не возникла. Хочу подякувати і родичам за тото, же в 1992 р., коли переносили ся з Украіны до Польщы, выбрали Лемковину, бо кєд бы не тото, не познала бы-м той краіны з цілым єй богатством і ріжнорідністю. Не познала бы-м і мого мужа і його родины, дякы котрым іщы ліпше познаю Лемків. Днес вельох думат, же єм Лемкыньом, а я ся усміхам і беру тото за знак, же хыбаль не ганьблю лемківскых пісен і можу занимати ся нима далі. Здравлю Вас, дорогы слухачы, і желам милого слуханя.
Сусанна Яра

1Горе малинячком2:25
2Кошельочка (з репертуару ансамблю Грдза hrdza.sk) 4:34
3Маєран в моль4:10
4Ганцю, не дримай4:55
5Гора до передуманя сл. Сусанн Яра 2:43
6Відьма в садочку6:06
Ани я не знала (live) 4:18
8А ты мила (live) 3:38
9В темну нічку сл. Семан Мадзелян, муз. Ярослав Трохановскій (live) 6:23
10Черчык сл. муз. Петро Мурянка (live) 5:11
11Іду до вас, іду сл. муз. Петро Мурянка (live) 4:03
12Пливе кача сл. Васуль Ґренджа-Доньскій (live) 4:28
13імпровізация на тему пісі Ой на горі сніг біленький (live) 5:23

Катеґория