Голосник

Словацка желізниця орґанізує получыня з Мушыны в Словацкы Татры

0
Од того літа желізницьова стация в Мушыні зас буде обслугувала медженародный пасажерскій рух. Старт получынь в реляциі Мушына-Попрад Татры заповіла словацка державна транспортова компанія Словацка Желізницьова Спілка.

Як поінформувала компанія, зо стациі Попрад Татры одходити будут дві поспішны пары потягів. Першый рушыт рано о 7.30, другій о 15.27 год. Назад до Попраду потягы одізджати зо стациі в Мушыні будут двократно о 9.54 та о 17.50. Пут долгости 80 кілометрів вюл буде через Кежмарок, Спишску Белю, Подолинец, Стару Любовню, Плавеч. Потягы будут курсувати в суботы, неділі і свята. Першый потяг рушыт 29. червця/юнія, послідній – 1. вересня/септембра.

Потягы будут зрыхтуваны до перевожыня роверів. На тепер відомо, што білеты буде мож купити выключні в касах та в кондукторів. Доіхавшы до Мушыны, буде мож продолжати подорож, напримір доіхати потягом до Кракова і дале.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар