Голосник

«Слово» – 16-та неділя по Сошетствії Святого Духа – неділя, 9.00 год.

0

Євангеліє днешньой неділі нам указує на образный приклад, котрый Ісус говорить о чоловікови высокого роду, котрый одходячі на далеку дорогу розділює свій маєток своїм рабам, каждому подля його способностей. По своїм приході робить розрахунок. Xто дiстав єден талент, го закопав і не умножыв як іншы двоми. Тото нам указує на на різны дары, котры дістаєме од Бога. Называть їх таланты, бо то была велика цінность хоць лем єден талант. Не каждый діставать єднакы дары, подля способностый. Маме дяковати за дары, котры маме а не завидіти нашым ближным, бо кому веце дано, веце будуть пожадовати, але старати ся выхосновати свої дары на общій хосен, не закопати в самолюбстві, еґоїзмі, але ділити ся з нима а тым їх множыти. Жебы як Господь прийде в славі, могли сьме чути: Добрі, рабе добрый і вірный, в малім ты быв вірный, над многым тя установлю, войди до радости свойого Господаря. Слава Ісусу Хрісту!

В неділю, 9-го жолтня/октобра 2016 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 9-го жолтня/октобра о 12.00, 15.00, 20.00 год. і 10-го жолтня/октобра о 2.00 год. за русиньскым часом.

Фото – Wikipedia.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

 

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар