Голосник

«Слово» – 27-ма неділя по Сошествії Святого Духа – неділя, 9.00 год.

0
Ісус приходить в день суботній до сінаґоґы. Была там жена, котра довгы рокы мала духа слабости. Была згорблена і не могла ся выпростити.
Як єй Ісус увидів говорить: Жено. Тота жена вытерпла того много. Но она обвинює Бога. Она вшытко терпезливо переношать. І іде до сінаґоґы, жебы чути Боже слово. Може многы, котры видять єй в такім положіню, ньов погорджовали. Ісус єй вертать достоїнство чоловіка: Жено, а дале ты ослободжена од свойой хвороты. Но началник сінаґоы мав іншый погляд. Вытыкать людям, чом дають ся выздравляти в день суботній. А Ісус го называть фалшывым чоловіком. Ці не треба і йому одвязовати свого вола ці осла і не іде го напоїти, а то і в день суботній? Ісус не робив даяке тяжке діло. Лем высловив слово і положыв рукы і была выздравлена. Не она просила о здоровля, але Ісусу, кедь єй увидів. Ту можеме видіти з єдного боку велику любов Ісуса ку людям, ку терплячім. Же про нього каждый чоловік є важный. Він пришов про спасіня каждого чоловіка. А з другого боку началник сінаґоґы, котрый якбы выступать за закон. Але правдива причіна была в зависти. То она му не довольовала видіти трапліня і потім радость той жены.
Учме із днешнього слова, жебы нашы страсти зависти, пыхы, еґоізма не сперали нам видіти тых, што суть коло нас. Робме добро другым а тішме ся з успіху другых. Ісус нам в днешнім слові сам указує приклад. Слава Ісусу Хрісту!

В неділю, 2. децембра 2018 р., о 9.00 год. проґрам «Слово», котрый реалізує єромонах Маркіян ЧСВВ. Повторіня 25. децембра 15.00 о 20.00 год. і 26. децембра о 2.00, год. за русиньскым часом.

фото: Уздравліня жены в шабес. Жрідло wikipedia

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

 

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар