Голосник

«Слово». День св. Софії і їй дівок Віры, Надії і Любві. – неділя, 9.00 год.

В нашім літурґічнім календарю в попразденстві праздника Воздвиженія святого Креста находиме память св. Софіїї і їй трьох дівочок Віры Надії і Любви.

Св. Софія выхововала свої дівочкы у вірі надії і любви ку Хрістови. Коли зачало пронаслідованя за імператора Адріана, привели їх перед мучітеля, котрый наперед обіцянками старав ся схылити їх до одречіня од Хріста. Но накілько они зістали тверды, дав їх мучіти на очах матери, котра героїчно смотрила на мукы своїх дітей і напоминала їм небесне царьство і блаженство і красоту неба. І Самого Господа Ісуса Хріста, котрый їх за їх вірность і за ціну мук і смерти одминить славов, блаженостьов, на котру людьскый ум подумати не може. А так вшыткы три прославили Бога мученицков смертьов. А св. Софія взяла їх тіла і з великов честьов поховала. А на третій перебываючі коло їх гроба і сама оддала душу до рук Бога. Приклад св. Софії і єй дівочок най буде і про нас підкріпліньом, жебы сьме в каждій сітуації зістали вірны Хрістови. Не лем тогды, кідь є то про нас легко. Кедь то не вымагать од нас ниякой жертвы, но і тогды, кідь треба принести якусь жертву а може і жертву властного жывота. Просьме прото словами нашых літурґічных текстів: Віро, Надіє І Любов у вірі, надії і любві утверджуйте нас. Слава Ісусу Хрісту!

В неділю, 06 октобра 2019 р., о 9.00 год. проґрам «Слово», котрый реалізує єромонах Маркіян ЧСВВ. Повторіня 06 октобра о 12.00 і 07 октобра о 2.00 год. за русиньскым часом.

Фото: Віра, Надія, Любов і їх мати Софія wikimedia.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

 

Шеруй.

О авторі

Avatar

Коментарі