Ісус говорить о своїх страстях, котры перенесе в Єрусалимі а міджі тым ученикы думають о славі. Дай нам сидіти на твоїй правій і лівій стороні. Спаситель, видячі нахылность ку первенству нелем у тых двох учеників, подавать спасительный лік. Міджі вами най так не буде! Най не силов собі мате здобывати поставліня, першы місця, але через покору, пониженость. Тот світ говорить – не смоть на особы, на средства, важне є мати поставліня, пінязі, карьєру, міць. Ісус говорить: Міджі вами най такого не буде. Будьме досправды його учениками, котры не лем слухають, але і приймають його слова. Абы так через пониженость, смиреность дішли сьме ку повышіню, ку славі. Тоту дорогу нам указав своїм жывотом сам Спаситель.