Голосник

«Спомний собі Лемку» – Параскєва Бреян про жытя на Лемковині – віторок, 21.00 год.

0

В попередніх одтинках проґраму мали сме змогу почути оповіданя Параскєвы Бреян про выізд до Росиі в 1940 р., щестливий поворот в 1942 р. на Лемковину, та про ляґєр Явожно і його взязнів. Днес, вернеме до жытя на Лемковині сперед ганебоного 1947 рока. Зосередиме ся на періоді ІІ Світовой Войны, дознаме ся хто і коли копал в Ізбах окопы, а тіж як выглядало жытя селян вчас воєнных операций.

Параска Бреян (з д. Фрицка), котра народила ся в 1924 р., спомне тіж про поворот до православя, котрий мал місце на переломі 20. і 30. років ХХ віку. Товды же цілы Ізбы вєдно з о. Димитрийом Хыляком рішыли побудувати нову церков – православну часовню, в котрій в 1946 р., станула під вінці з каваліром з рідного села – дознаме ся пару деталів про традицийне лемківскє весіля. При нагоді спомне тіж про особу ізбяньского пароха, Міністра Внутрішніх Справ Руской Народной Республикы Лемків – о. Хыляка, котрого в тым році обходиме 150. річницю народжыня та 60. смерти.

cerkwy_izby_nac

Ізбяньска часовня; ззаду – стара, мурувана грекокатолицка церков св. Лукы, фот. Narodowe Archiwum Cyfrowe

lemkiwskie_wesila_kyczera_2011_bortne

Реконстукция лемківского весіля – ансамбль «Кычера», Бортне (2011 р.); кавалірскій танец

За тыма мотузками (част І і част ІІ) можете прочытати спомины Параскєвы Бреян, котры остали списаны Анном Рыджанич, а пак печатаны в Православным Перегляді.


«Спомний собі Лемку» то проґрам, в котрым можете почути цікавы річы про минуле, про рідну Лемковину, але і жытя на чужыні. Інтервю ведены молодым чловеком, дают надію старшым його бесідникам на ліпше заран для лемківского народу.

Премєру почуєте 15. грудня/децембра 2015 р. о 21.00 год., а проґрам повториме наступного дня о 3.00, 9.00 і 15.00 год.

Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар

«Спомний собі Лемку» – Параскєва Бреян про жытя на Лемковині – віторок, 21.00 год.

0

В попередніх одтинках проґраму мали сме змогу почути оповіданя Параскєвы Бреян про выізд до Росиі в 1940 р., щестливий поворот в 1942 р. на Лемковину, та про ляґєр Явожно і його взязнів. Днес, вернеме до жытя на Лемковині сперед ганебоного 1947 рока. Зосередиме ся на періоді ІІ Світовой Войны, дознаме ся хто і коли копал в Ізбах окопы, а тіж як выглядало жытя селян вчас воєнных операций.

Параска Бреян (з д. Фрицка), котра народила ся в 1924 р., спомне тіж про поворот до православя, котрий мал місце на переломі 20. і 30. років ХХ віку. Товды же цілы Ізбы вєдно з о. Димитрийом Хыляком рішыли побудувати нову церков – православну часовню, в котрій в 1946 р., станула під вінці з каваліром з рідного села – дознаме ся пару деталів про традицийне лемківскє весіля. При нагоді спомне тіж про особу ізбяньского пароха, Міністра Внутрішніх Справ Руской Народной Республикы Лемків – о. Хыляка, котрого в тым році обходиме 150. річницю народжыня та 60. смерти.

cerkwy_izby_nac

Ізбяньска часовня; ззаду – стара, мурувана грекокатолицка церков св. Лукы, фот. Narodowe Archiwum Cyfrowe

lemkiwskie_wesila_kyczera_2011_bortne

Реконстукция лемківского весіля – ансамбль «Кычера», Бортне (2011 р.); кавалірскій танец

За тыма мотузками (част І і част ІІ) можете прочытати спомины Параскєвы Бреян, котры остали списаны Анном Рыджанич, а пак печатаны в Православным Перегляді.


«Спомний собі Лемку» то проґрам, в котрым можете почути цікавы річы про минуле, про рідну Лемковину, але і жытя на чужыні. Інтервю ведены молодым чловеком, дают надію старшым його бесідникам на ліпше заран для лемківского народу.

Премєру почуєте 15. грудня/децембра 2015 р. о 21.00 год., а проґрам повториме наступного дня о 3.00, 9.00 і 15.00 год.

Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар