Голосник

Сумар дня на 23. липця/юлия 2019 р.

Приносиме Вам сумар медияльной ґрупы ЛЕМ.фм на ден 23. липця/юлия 2019 р.

Концерт церковной музикы в Креници

Уж в найближшу пятницю, 26. липця/юлия 2019 р., православна парохія св. Владиміра Великого в Креници просит на концерт церковной музикы. То наступный з циклю парох орґанізуваных в році концертів, котры фінансуваны сут з середків Уряду Міста. На концерті выступит Хор Православной Парохіі св. Владиміра в Креници, котрым дириґує Петро Трохановскій. Хор выконат літургічны творы та паралітургічны пісні. Концерт попереджат парохіяльне свято – креницкій кєрмеш празднуваный єст 28. липця/юлия. Пятничный концерт зачне ся о 19.00 год., а вступ на концерт є безплатный.

Ближыт ся 39. Лемківска Ватра на Чужыні

В днях од 2. до 4. серпня/авґуста проходила буде 39. Лемківска Ватра в Михалові. Ватра зачне ся в пятницю о 19.00 год. зложыньом квітя під таблицьом припоминаючом выселіня Лемків в 1947 р. і одкрытьом выставы присвяченой 30-літю діяльности Стоваришыня Лемків. О 19.30 год. буде розпалена ватра, а пак выступит Ансамбль Пісні і Танця «Ластівочка». Вручаны будут Нагороды Никыфора. На сцені вкажут ся ансамбль Руской Бурсы «Терочка», фолковый ансамбль «Буракы» і вокальный ансамбль «Кульбаба». Забаву заграт ансамбль «Водограй». Другій ден ватры зачне ся о 12.00 год. од спортовой части. Артистична част зачне ся о 14.00 год. выступом фольклористичного ансамблю «Подолянкы». Пак, выступлят дітячы ансамблі «Кычерка», «Ластівчата», «Сонечка» та Ансамбль Музичной Школы в Ліґници. Будут і конкурсы для діти, промоция выдавництв, дискусия присвячена діяльности лемківскых орґанізаций в роках 1989-2019 та конкурс присвяченый 30-літю Стоваришыня Лемків і «Бесіды». На сцені вкажут ся і такы ансамблі як Кычера, Розтока, Осетнополянє. О 21.00 год. заграт ансамбль «Не лем фольк», пак «Клюб 46» і «Надія». Забаву заграт ансамбль «Шаришскы парібці».

Шеруй.

О авторі

Наталія Клинковска

Коментарі