Голосник

Свидник – Ярослав

Свидник – значучий центр культурного жытя Русинів, богатий в історичны памяткы і туристичны атракциі, і положений в Підкарпатскым воєвідстві Ярослав зреалізували спільний проєкт пн. Містика карпатскых міст – творіня туристичного продукту опертого о культурну і природну дідовизну міст Свидника і Ярослава. В рамках проєкту был зроблений інтернетовий сайт www.jaroslaw-svidnik.pl. Мож там найти список інтересуючых обєктів, календар подій, пропонуваны стежкы промуючы пригаданы памяткы і місця.

Проєкт мат причынити ся до реалізациі ціли «детального проґраму», т.є. взможыня заінтересуваня і знаня навщівників о культурных атракция і схоснованю туристичных атракций Свидника і Ярослава. Частю задач єст тіж орґанізация конференций, артистичного пленеру во Свиднику і выстава плястичных творів. Сайт має до выбору польску, словацку і анґлицку языковы версиі. Буджет проєкту то: 75 817,20 евро, в тым місто Ярослав зо свого рахунку сфінансує 11 382,58 евро.

В пляні діянь є зробліня інновацийных промоцийных пристроів:

  • інтернетового сайту, на якым презентуваны будут головны історичны памяткы партнерскых міст,
  • мобільна аплікация з авдийопутівником, ґеолокалізацийом і містецком гром.

Тестова версия аплікациі є уж доступна на Google Play  i App Store.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі