Голосник

Тіло покійного владыкы Адама буде зложене в підземлях креницкой церкви

0

Два дни тому інформували сме, же до Вічности одышол бл. п. владыка Адам, архієпископ перемышльскій і новосандецкій, предстоятель єпархіі Польской Автокефальной Православной Церкви, до котрой приналежыт обшыр Лемковины.

Тепер труна з тілом усопшого владыкы выложена єст в катедральным храмі, в саноцкым Соборі Святой Тройці, де вчера был служений парастас, а пак над покійником чытана Тетраєвангелия. Днес в Саноку о 9.00 год. зачала ся заупокійна Служба Божа, а пополудньом, о 17.00 год. одслужений буде парастас. Похоронны богослужыня зачнут ся в середу (27.07) о 9.00 год., а буде ім проводил митрополита варшавскій і цілой Польщы Сава. По чыні одпіваня, труна з тілом архієпископа Адама буде перевезена до креницкой церкви св. Владиміра Великого, де по парастасі буде зложена в гробници, котра находит ся в підземлях храму.

Враз з митрополитом Савом, в похороннных богослужынях владыкы Адама участ заповіли архієреі Польской Автокефальной Православной Церкви: архієпископ Авель, архієпископ Яков, єпископ Григорий, єпископ Паісий (рішыньом Св. Собору Єпископів ПАПЦ – од 17. листопада/новембра 2015 р. завідуючий перемышльско-новосандецком єпархійом) і владыкы з другых помістных Церкви.

Архієпископ Адам вродил ся в 1926 р. в лемківскым селі Фльоринка. Днес неє там православного храму, а село адміністрацийні приналежыт до парохіі св. Владиміра Великого в Креници, зато і такє рішыня, жебы покійного владыку поховати в близкости до місця народжыня.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментар

Тіло покійного владыкы Адама буде зложене в підземлях креницкой церкви

0

Два дни тому інформували сме, же до Вічности одышол бл. п. владыка Адам, архієпископ перемышльскій і новосандецкій, предстоятель єпархіі Польской Автокефальной Православной Церкви, до котрой приналежыт обшыр Лемковины.

Тепер труна з тілом усопшого владыкы выложена єст в катедральным храмі, в саноцкым Соборі Святой Тройці, де вчера был служений парастас, а пак над покійником чытана Тетраєвангелия. Днес в Саноку о 9.00 год. зачала ся заупокійна Служба Божа, а пополудньом, о 17.00 год. одслужений буде парастас. Похоронны богослужыня зачнут ся в середу (27.07) о 9.00 год., а буде ім проводил митрополита варшавскій і цілой Польщы Сава. По чыні одпіваня, труна з тілом архієпископа Адама буде перевезена до креницкой церкви св. Владиміра Великого, де по парастасі буде зложена в гробници, котра находит ся в підземлях храму.

Враз з митрополитом Савом, в похороннных богослужынях владыкы Адама участ заповіли архієреі Польской Автокефальной Православной Церкви: архієпископ Авель, архієпископ Яков, єпископ Григорий, єпископ Паісий (рішыньом Св. Собору Єпископів ПАПЦ – од 17. листопада/новембра 2015 р. завідуючий перемышльско-новосандецком єпархійом) і владыкы з другых помістных Церкви.

Архієпископ Адам вродил ся в 1926 р. в лемківскым селі Фльоринка. Днес неє там православного храму, а село адміністрацийні приналежыт до парохіі св. Владиміра Великого в Креници, зато і такє рішыня, жебы покійного владыку поховати в близкости до місця народжыня.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментар