Голосник

То буде добрий вікенд!

0

Літній сезон, богатий в ріжного рода подіі, пришол такой враз з початком літа. Каждий вікенд приносит нам вельо культурных акций по обох сторонах Карпат, а і дальше – там, де Русины жыют на еміґрациі, на своіх новых «малых вітчызнах». Найблизший вікенд, котрий зачнеме уж днес вечером, а скінчыме в неділю (15.07-17.07) еманує ріжнорідністю, кількістю імпрез, а і діапазоном – такой всядиль ся дашто діє. Объіхати вшыткы концерты, фестівалі, ватры, стрічы, котры будут проходити через найблизшы три дни – не годен бы нихто.

Пятниця, 15. липця/юлия 2016 р.

В столичным місті Варшава зачынат ся 16. Фестіваль Музычны Огороды (полний проґрам і білеты – за тым мотузком), котрий буде тырвал аж до 9. серпня/авґуста. Тогорічна едиция того мультіжанрового фестівалю мат підназву «… по обох странах гір…», а його специяльным гостьом і партнером текучой едициі єст Словацка Республика. То уж традиция, же почестным гостьом остає держава, котра актуально проводит Раді Европейской Уніі, але і тото, же гостююча держава представлят на фестівали вшытко, што мат в себе найліпше. Як не тяжко ся додумати, посеред того найліпшого находит ся тіж русиньска культура, зато на варшавскым Фестівали Музычны Огороды найдут ся русиньскы акценты. Уж днес (15.07) вчас інавґурацийного концерту выступлят добрі знаны не лем на Словациі, але і поза єй границями, Кандрачовці – ансамбль, котрий в своім репертуарі грат русиньскы, словацкы, циґаньскы і інчы пісні, розславляючы тым богатство мультікультуровой спадковины народной культуры Словациі. Концерт Кандрачовців – днес о 19.00 год. на подвірци Королівского Замку в Варшаві.

Кєд до Варшавы далеко, мож перенести ся до Устрик Выжніх в Бєщадах. О 19.30 год. в тамтышній корчмі «В Ескуляпа» (U Eskulapa) заграт молодий, але уж што раз барже знаний і нагороджуваний ансамбль з Коросна – А де то давнійше строіло. На його переді стоят дві лемківскы вокалисткы, Сабіна і Анна Романчак, котры враз другыма членами ансамблю розгрівают публику фольк-роковыма аранжациями лемківскых народных пісен. Влони выдали свою дебютантску платню «Хыжа» і были выріжнены на престіжовым конкурсі в рамках ХХV Медженародового Фестівалю «Миколайкы Фольковы».

Субота, 16. липця/юлия 2016 р.

В селі Чмель на чужыні одбуде ся циклична уж подія пн. «Лемківскє Літо 2016». То стріча орґанізувана Православном Парохійом Св. Тройці в Любіні, а партнерує ій село Чмель та Уряд Міста Хоцянів. Влонишня едиция проходила – як пращаня літа – кінцьом серпня/авґуста, але орґанізаторы глядают своє місце в середині літнього календаря подій – і, здає ся, же го нашли. Стрічу прикрасит выступ фольковой ґрупы 7кропкаТогорічна едиция буде збогачена вокально-рецитаторскым выступом наймолодшых отрочат з предшкільной ґрупы лемківского языка, котра ведена єст при Публичным Предшколи но. 7 в Пшемкові.

До абсолютных гітів літа на Пряшівскій Руси, а при тым як єдна з найважнійшых в цілым русиньскым календари подій, записала ся уж Русиньска Ватра на Малым Липнику. В найблизшу суботу буде проходила сема едиция ватры, орґанізувана русиньском молодіжном орґанізацийом Молоды.Русины. На свою особливу увагу заслужыла тым, же єст унікатова – орґанізаторы на ню все рыхтуют проґрам, котрий є поскладаний чысто з русиньскых акцентів. Русиньска Ватра на Малым Липнику складат ся з парох тематичных части проґраму: бльок фольклорных концертів, концерт Вечур русиньскых голосів, в рамках котрого мож видіти і чути ачий клясичну музыку в выконаню смыкового квартету, буде тіж забава аж до рана. В рамках проґраму присутных будут забавляти члены редакциі радия Русин.фм, котры рыхтуют конкурсы з нагородами.

Неділя, 17. липця/юлия 2016 р.

Продолжыньом ватры в Малым Липнику сут Славности Русинів під градом, котры проходят в любовняньскым скансені. То подія, котру што рік орґанізує Русиньска Оброда на Словациі. Проґрам зачне ся о 12.30 год. церковнославяньском літургійом з русиньскыма чытанями і проповідьом в деревяній церкви в скансені. По літургіі, о 13.30 год., орґанізаторы одкрыют выставу фотоґрафій, а од 14.00 год. зачне ся культурний проґрам в амфітеатрі.

На Лемковині потішат ся любителі лемківского фолькового ансамблю Серенча. 17. липця/юлия т.р. буде проходил Ретро Райд Біциґлистів, орґанізуваний в рамках Цикличных Стріч з Культуром Лемків і Погірян. На закінчыня переіздів плянуваний єст концерт Серенчы та коротка прелекция Кристины Райнфус-Януш, етноґрафкы з Етноґрафічного Музею в Кракові, на тему тереновых досліджынь проф. Р. Райнфуса на ровері. Конец біциґльового райду і концерт, котрий ся зачне о 17.00 год. – при ренесансовым каштели в Шымбарку.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментар

То буде добрий вікенд!

0

Літній сезон, богатий в ріжного рода подіі, пришол такой враз з початком літа. Каждий вікенд приносит нам вельо культурных акций по обох сторонах Карпат, а і дальше – там, де Русины жыют на еміґрациі, на своіх новых «малых вітчызнах». Найблизший вікенд, котрий зачнеме уж днес вечером, а скінчыме в неділю (15.07-17.07) еманує ріжнорідністю, кількістю імпрез, а і діапазоном – такой всядиль ся дашто діє. Объіхати вшыткы концерты, фестівалі, ватры, стрічы, котры будут проходити через найблизшы три дни – не годен бы нихто.

Пятниця, 15. липця/юлия 2016 р.

В столичным місті Варшава зачынат ся 16. Фестіваль Музычны Огороды (полний проґрам і білеты – за тым мотузком), котрий буде тырвал аж до 9. серпня/авґуста. Тогорічна едиция того мультіжанрового фестівалю мат підназву «… по обох странах гір…», а його специяльным гостьом і партнером текучой едициі єст Словацка Республика. То уж традиция, же почестным гостьом остає держава, котра актуально проводит Раді Европейской Уніі, але і тото, же гостююча держава представлят на фестівали вшытко, што мат в себе найліпше. Як не тяжко ся додумати, посеред того найліпшого находит ся тіж русиньска культура, зато на варшавскым Фестівали Музычны Огороды найдут ся русиньскы акценты. Уж днес (15.07) вчас інавґурацийного концерту выступлят добрі знаны не лем на Словациі, але і поза єй границями, Кандрачовці – ансамбль, котрий в своім репертуарі грат русиньскы, словацкы, циґаньскы і інчы пісні, розславляючы тым богатство мультікультуровой спадковины народной культуры Словациі. Концерт Кандрачовців – днес о 19.00 год. на подвірци Королівского Замку в Варшаві.

Кєд до Варшавы далеко, мож перенести ся до Устрик Выжніх в Бєщадах. О 19.30 год. в тамтышній корчмі «В Ескуляпа» (U Eskulapa) заграт молодий, але уж што раз барже знаний і нагороджуваний ансамбль з Коросна – А де то давнійше строіло. На його переді стоят дві лемківскы вокалисткы, Сабіна і Анна Романчак, котры враз другыма членами ансамблю розгрівают публику фольк-роковыма аранжациями лемківскых народных пісен. Влони выдали свою дебютантску платню «Хыжа» і были выріжнены на престіжовым конкурсі в рамках ХХV Медженародового Фестівалю «Миколайкы Фольковы».

Субота, 16. липця/юлия 2016 р.

В селі Чмель на чужыні одбуде ся циклична уж подія пн. «Лемківскє Літо 2016». То стріча орґанізувана Православном Парохійом Св. Тройці в Любіні, а партнерує ій село Чмель та Уряд Міста Хоцянів. Влонишня едиция проходила – як пращаня літа – кінцьом серпня/авґуста, але орґанізаторы глядают своє місце в середині літнього календаря подій – і, здає ся, же го нашли. Стрічу прикрасит выступ фольковой ґрупы 7кропкаТогорічна едиция буде збогачена вокально-рецитаторскым выступом наймолодшых отрочат з предшкільной ґрупы лемківского языка, котра ведена єст при Публичным Предшколи но. 7 в Пшемкові.

До абсолютных гітів літа на Пряшівскій Руси, а при тым як єдна з найважнійшых в цілым русиньскым календари подій, записала ся уж Русиньска Ватра на Малым Липнику. В найблизшу суботу буде проходила сема едиция ватры, орґанізувана русиньском молодіжном орґанізацийом Молоды.Русины. На свою особливу увагу заслужыла тым, же єст унікатова – орґанізаторы на ню все рыхтуют проґрам, котрий є поскладаний чысто з русиньскых акцентів. Русиньска Ватра на Малым Липнику складат ся з парох тематичных части проґраму: бльок фольклорных концертів, концерт Вечур русиньскых голосів, в рамках котрого мож видіти і чути ачий клясичну музыку в выконаню смыкового квартету, буде тіж забава аж до рана. В рамках проґраму присутных будут забавляти члены редакциі радия Русин.фм, котры рыхтуют конкурсы з нагородами.

Неділя, 17. липця/юлия 2016 р.

Продолжыньом ватры в Малым Липнику сут Славности Русинів під градом, котры проходят в любовняньскым скансені. То подія, котру што рік орґанізує Русиньска Оброда на Словациі. Проґрам зачне ся о 12.30 год. церковнославяньском літургійом з русиньскыма чытанями і проповідьом в деревяній церкви в скансені. По літургіі, о 13.30 год., орґанізаторы одкрыют выставу фотоґрафій, а од 14.00 год. зачне ся культурний проґрам в амфітеатрі.

На Лемковині потішат ся любителі лемківского фолькового ансамблю Серенча. 17. липця/юлия т.р. буде проходил Ретро Райд Біциґлистів, орґанізуваний в рамках Цикличных Стріч з Культуром Лемків і Погірян. На закінчыня переіздів плянуваний єст концерт Серенчы та коротка прелекция Кристины Райнфус-Януш, етноґрафкы з Етноґрафічного Музею в Кракові, на тему тереновых досліджынь проф. Р. Райнфуса на ровері. Конец біциґльового райду і концерт, котрий ся зачне о 17.00 год. – при ренесансовым каштели в Шымбарку.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментар