Голосник

«Тото был лемківскый устрій з поколіня в поколіня…» – Боднарка -70 процент – неділя, 18.00 год.

З каждого села на Лемковині переселіня до Совітского Союза проходило покус інакше. Наприклад, в Боднарці то власні священик переконувал селян не противити ся долі і рыхтувати ся выіжджати.

Парохіяне барз шанували свого духовного вітця. А ту першый раз они почули од єґомостя дашто таке, з чым не могли ся погодити. Принаймій так оповідали про тото пані Анні єй родиче. Сама Анна нич з Боднаркы не памятат: мала лем три рокы, коли пришло охабити рідну землю. А тоту смутну дорогу кус памятат… «То был лемківскый устрій з поколіня в поколіня – а оно ся перервало…»

Зато бесідуєме з Анном Комарницком (з дому Сембрат) не лем о селі, де она ся вродила, – бо праві ціле жытя прожыла в Підзамочку коло Бучача – а покус о вшыткім. І здавало ся, же іщы буде продовжыня, але вышло інакше…

Шеруй.

О авторі

Avatar

Вродила ся в 1970 році во Львові. І уж неодолга писала, малювала, но і витинала преріжны річы з паперя. І робит тото доднес, але тепер уж в Івано-Франківску. До Лем.ФМ трафила припадково. До того часу робила з дітми, вчыла іх журналистыкы і малюваня. Барз любит люди, якых презентує слухачам в проґрамі «70%». Грызе ся, же єдного дня правдивы Лемкы можут ся скінчыти. Зато, жебы зімати диктафоном вшыткых, глядат когоси доброго і щырого до помочы… Як хочете дашто повісти, то пиште: anna_kyrpan@bigmir.net

Коментарі