Голосник

Третій директор в Монастырисках – 70 процент – субота, 20.00 год

0

В 2017 році было дуже подій, звязаных з Музейным комплексом “Лемківске село” в місті Монастыриска. Спочатку директорови Михалови Тиханьскому інкримінувано корупцийны діяня — бо преміювал вшыткых працівників, а медже нима і свою дівку. І на тым го зімали. Смішне, гейбы, бо нихто не імат правдивых корупцийонерів, а глядат даштю такє, як в тым припадку. Але як раз тота невелика премія – причына, же пан Тиханьскій, долголітнлй директор, уж не робит в музею.

А осіню зачала ся правдива война. Бо в Тернопільскій областній раді депутаты мали выберати, хто буде новым директором. І ту ся вказало, же тот провінцийний музей барз важний для дакого. Певно зато, же до музею тепер належыт ціле ватряне поле, де одбывают ся фестівалі, а то дост великій кавалец землі…
Што то было! Не повірите, же за музей в малым містечку так мож ся вадити, так оначыти! Вкінци, по долгых боях, перемогла пані Віра Дудар — очывидні, найбільше жадана для тернопільскых Лемків кандидатура.

Не знате, што то за музей і хто то – Віра Дудар? Но то слухайте днешню передачу…

Шеруй.

О авторі

Вродила ся в 1970 році во Львові. І уж неодолга писала, малювала, но і витинала преріжны річы з паперя. І робит тото доднес, але тепер уж в Івано-Франківску. До Лем.ФМ трафила припадково. До того часу робила з дітми, вчыла іх журналистыкы і малюваня. Барз любит люди, якых презентує слухачам в проґрамі «70%». Грызе ся, же єдного дня правдивы Лемкы можут ся скінчыти. Зато, жебы зімати диктафоном вшыткых, глядат когоси доброго і щырого до помочы… Як хочете дашто повісти, то пиште: anna_kyrpan@bigmir.net

Коментар