Голосник

«Ци Лемкы перетырвают? Тепер уж можеме повісти – гей …» / друга част доповіди проф. А. Зємбы – середа, 20.45 год.

0

Вандрівка слідами Лемків – так называл ся єден з фестівальовых днів на жыдівскым фестівали в Казімєжу «Пардес Фестіваль – Стрічы з жыдівском культуром». Подія проходила в днях 16.-21. серпня/авґуста т.р.

Хоц проґрам Фестівалю зосереджат ся на жыдівскій традициі і культурі, орґанізаторы все пропонуют участникам фестівальовых стріч цикль подій посвяченых выбраній етнічній або нацийональній меншыні, яка жыє в сучасній Польщы. Того рока цілий ден, 19. серпня/авґуста, посвячений был лемківскій меншыні.

Запрашам до выслуханя другой части обшырной прелекциі проф. Анджея Зємбы з Ягайлоньского Університету, якій предтсавил цілу історию Лемків. Попереднім разом професор бесідувал м.ін. про мапу (мапы), вказуючу розміщыня Лемків, про волошскє осадництво, етноґенезу карпатскых Русинів і про Барску Конфедерацию. В другій, почуєте про історичний фундамент достоменности Русинів – віроісповіданя, найперше православне, пак грекокатолицкє, і часы уніі на Лемковині. Проф. А. Зємба оповіл про причыны вертаня Лемків до православя в ХХ ст., як тіж про причыны покликаня Апостольской Адміністрациі Лемкoвины. Засиґналізувал, як выглядало лемківскє облечыня, ци лемківска загорода, представил професиі, якыма занимали ся Лемкы з поєдных сел. Зреферувал лемківску еміґрацию з кінця ХІХ і початку ХХ ст. та процесы розвиваня достоменности і выкликаны нима репресиі з ріжных стран, тыкаючы Лемків. Прелеґент не поминул тіж траґічных подій, звзяных з выганяньом, а на закінчыня коротко омовил сучасний культурний світ Лемків, завершаючы го словами, же світ Лемків не згынил, без огляду на страшливы катастрофы, якыма были подіі другой Світовой Войны і повоєнны выселіня.

Реляция з лемківского дня на «Пардес Фестіваль в Казімєжу» / доповід проф. А. Зємбы – середа, 21. вересня/септембра 2016 р. о 20.45 год., повторіня наступного дня о 2.45, 8.30 і 14.30 та в суботу (24.09.2016 р.) о 14.00 год.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар

«Ци Лемкы перетырвают? Тепер уж можеме повісти – гей …» / друга част доповіди проф. А. Зємбы – середа, 20.45 год.

0

Вандрівка слідами Лемків – так называл ся єден з фестівальовых днів на жыдівскым фестівали в Казімєжу «Пардес Фестіваль – Стрічы з жыдівском культуром». Подія проходила в днях 16.-21. серпня/авґуста т.р.

Хоц проґрам Фестівалю зосереджат ся на жыдівскій традициі і культурі, орґанізаторы все пропонуют участникам фестівальовых стріч цикль подій посвяченых выбраній етнічній або нацийональній меншыні, яка жыє в сучасній Польщы. Того рока цілий ден, 19. серпня/авґуста, посвячений был лемківскій меншыні.

Запрашам до выслуханя другой части обшырной прелекциі проф. Анджея Зємбы з Ягайлоньского Університету, якій предтсавил цілу історию Лемків. Попереднім разом професор бесідувал м.ін. про мапу (мапы), вказуючу розміщыня Лемків, про волошскє осадництво, етноґенезу карпатскых Русинів і про Барску Конфедерацию. В другій, почуєте про історичний фундамент достоменности Русинів – віроісповіданя, найперше православне, пак грекокатолицкє, і часы уніі на Лемковині. Проф. А. Зємба оповіл про причыны вертаня Лемків до православя в ХХ ст., як тіж про причыны покликаня Апостольской Адміністрациі Лемкoвины. Засиґналізувал, як выглядало лемківскє облечыня, ци лемківска загорода, представил професиі, якыма занимали ся Лемкы з поєдных сел. Зреферувал лемківску еміґрацию з кінця ХІХ і початку ХХ ст. та процесы розвиваня достоменности і выкликаны нима репресиі з ріжных стран, тыкаючы Лемків. Прелеґент не поминул тіж траґічных подій, звзяных з выганяньом, а на закінчыня коротко омовил сучасний культурний світ Лемків, завершаючы го словами, же світ Лемків не згынил, без огляду на страшливы катастрофы, якыма были подіі другой Світовой Войны і повоєнны выселіня.

Реляция з лемківского дня на «Пардес Фестіваль в Казімєжу» / доповід проф. А. Зємбы – середа, 21. вересня/септембра 2016 р. о 20.45 год., повторіня наступного дня о 2.45, 8.30 і 14.30 та в суботу (24.09.2016 р.) о 14.00 год.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар