Голосник

Ци мы вартаме дашто, ци мы нич не вартаме?

Лемківска народна ґазета «Лемко» з Ґорлиц, котра проявляла лем еманципацийны стремліня, в выданю 14. (27) червця/юнія 1913 р. приносит вшыткым Лемкам якже актуальный текст. Берте, черпте.

Неконечно мы днес годны выберати посланців (хоц кєд бы ся нарід впер – хто знає?). Днес інчы выборы маме, конечно выбрати мусиме. Най вшыткы товаришкы і товаришы, што фурт сут іщы стоваришены, а іщы, подібно, не обєднаны, най знают прадідівску заповід: В єдности сила!


До выборцѢвь.

Збллижатся южь тота хвиля, въ котрôй мы маме показати, ци мы вартаме дашто, ци мы ничъ не вартаме. Повыберализме выборцѢвъ. Якъ тоты наши выборцѢ пôдутъ? Ци пôдутъ разомъ, ци пôде еденъ ту, другій тамъ?

Запамятайте собѢ, же мы мусиме ити разомъ, мы мусиме показати силу, бо инакше не будутся ся съ нами рахувати. Ту на ЛемковщинѢ, въ горлицкомъ, грибôвскôмъ и сандецкôмъ, мы свого посла не выбереме, але покажеме силу, покажме еднôстъ, та приде часъ, може и не далекій, а того посла выбереме, бо насъ мусятъ такъ подѢлити, же будеме мати посла! И если треба буде даякого посла польского провалити, то го провалиме, если буде треба вибрати, то го выбереме, але если треба буде заманѢфестувати и витриматися отъ голосуваня, та ся треба стримати.

Памятати: — ВиборцѢ горлицкого повѢта, предъ голосуваньомъ зберутся въ нашой редакціи „Лемко”.

ВыборцѢ сандецкого повѢта зберутся въ Русской Бурсі въ Новôмь СанчѢ и тамъ допіро урадиме, што маме робити. Будеме голосувати!

Коли бôльшôстъ урадитъ такъ ити, то пôдеме такъ, коли такъ, то такъ. Але всѢ мусиме ити якъ еденъ, дорогомъ, стежкомъ осôбне не вольно ити никому, бо хто поде осôбне, то тотъ хрунь и го выпубликуеме!

Возте собі тото до серця и до головы! Въ єдности сила!

Шеруй.

О авторі

Севериян Косовскiй

Народженый на чужыні. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Любитель давной Лемковины. Годен годинами слуxати про втрачене лемківскє щестя. Актуальні веде веселый проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментарі