Голосник

Твердыня Перемышль – середа, год. 20.00

Од 1873 р. Перемышль был єдном з головных австро-угорскых твердынь в Ґалициі. Роля Перемышля была головно така, жебы заперал желізницьову дорогу, яка вела з Кракова до Львова, была то головна ґалицийска ленія архікнязя Кароля Людвіка.

Другом важном желізницьовом ленійом, найважнійшом, яка дотерала до Перемышля, была ленія, котра вела з Ґалициі на Мадяры. Достаня того стратеґічні важного желізницьового пункту дало бы можніст Росиянам легше пересувати силы і середкы. Тоты в офенсивах підниманых в західній Ґалициі, в страну Кракова, пак Відня, як і з Перемышля безпосередньо через карпатскы перегыбы на Будапешт.

Просиме выслухати дальшу з прелекций выголошеных вчас Медженародной Конференциі «Зимова война в Бєщадах 1914-1915. Слідами Бєщадскых Левів», котра прошла в днях 25.-26. марця 2019 р. в Tисній. Доктор Томаш Помикач представил на основі угорскоязычных джерел незнаны факторы з істориі пробы здобытя Твердыні Перемышль, м.ін. даны в контексті запасів ідла.

Початок прелекциі 20.00 год.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментарі